ജനവാസ കേന്ദ്രത്തിലെത്തിയ ആനയെ തുരത്താനുള്ള ശ്രമത്തിനിടെ ആക്രമിക്കാന് ഓടിയടുത്ത് ആന.... രക്ഷപ്പെടാന് ശ്രമിക്കവേ വീണ് പൊലീസുകാരന് പരുക്ക്
ജനവാസ കേന്ദ്രത്തിലെത്തിയ ആനയെ തുരത്താനുള്ള ശ്രമത്തിനിടെ ആക്രമിക്കാന് ഓടിയടുത്ത് ആന.... രക്ഷപ്പെടാന് ശ്രമിക്കവേ വീണ് പൊലീസുകാരന് പരുക്ക്.
എആര് ക്യാംപിലെ സിവില് പൊലീസ് ഓഫിസര് എം.ആര്.സംഗീതിന് (30) ആണ് പരുക്കേറ്റത്. വാരിയെല്ലിനും കരളിലും പരുക്കേറ്റ സംഗീത് കോഴിക്കോട്ടെ സ്വകാര്യ ആശുപത്രിയിലെ തീവ്രപരിചരണ വിഭാഗത്തില് ചികിത്സയില് കഴിയുകയാണ്.
സംഗീതിനെ വനം വകുപ്പില് ഡപ്യൂട്ടേഷനില് നിയോഗിച്ചതാണ്. കൂടെയുണ്ടായിരുന്ന വനപാലകര്ക്ക് നിസ്സാര പരുക്കുണ്ട്. പോത്തുകല്ല് വനം സ്റ്റേഷന് പരിധിയിലെ കോടാലിപ്പൊയില് മാതിപ്പൊട്ടി കോളനിക്കു സമീപത്തായി ഇന്നലെ രാവിലെ എട്ടരയോടെയാണ് സംഭവമുണ്ടായത്.
കോളനി പരിസരത്ത് മോഴയാന ഇറങ്ങിയിട്ടുണ്ടെന്ന വിവരത്തെ തുടര്ന്നാണ് സെക്ഷന് ഫോറസ്റ്റ് ഓഫിസര് കെ.ആര്.രാജേഷിന്റെ നേതൃത്വത്തില് വനപാലകരും സംഗീതും ഉള്പ്പെടെ 5 പേരടങ്ങുന്ന സംഘമെത്തിയത്.
ആന കാട്ടിലേക്ക് മടങ്ങുമോയെന്ന് ആദ്യം നോക്കിയെങ്കിലും പിന്നീടു റബര് ബുള്ളറ്റ് ഉപയോഗിച്ച് വെടി വയ്ക്കുകയായിരുന്നു. വെടിയേറ്റതോടെ ആന സംഘത്തിന് നേരെ ഓടിയടുക്കുകയായിരുന്നു. കയ്യില് തോക്ക് ഉണ്ടായിരുന്നതിനാല് സംഗീതിന് വേഗത്തില് ഓടാന് സാധിച്ചില്ല. തോക്കുമായി മലര്ന്നടിച്ച് വീണുപോയി.
https://www.facebook.com/Malayalivartha
