22 വയസുള്ള അടുത്ത ബന്ധുക്കള്‍ തൂങ്ങി മരിച്ചതിന്റെ നടുക്കത്തിലാണ് ബന്ധുക്കള്‍. നിലമ്പൂര്‍ മുതീരി കാഞ്ഞിരക്കടവ് മണ്ണുംപറമ്പില്‍ ചന്ദ്രന്റെയും രജനിയുടെയും മകന്‍ വിനീഷ് (22), ഗൂഡല്ലൂര്‍ ഓവേലി സീഫോര്‍ത്തിലെ ബാലന്റെയും വസന്തയുടെയും മകള്‍ രമ്യ (22) എന്നിവരാണ് മരിച്ചത്. റബര്‍ തോട്ടത്തിലാണ് ഇവരെ മരിച്ച നിലയില്‍ കണ്ടെത്തിയത്.

വിനീഷിന്റെ വീടിന് 200 മീറ്റര്‍ അകലെ വിജനമായ റബര്‍ തോട്ടത്തില്‍ ഇന്നലെ ഉച്ചയ്ക്കാണ് മൃതദേഹങ്ങള്‍ കണ്ടത്. വിനീഷിന്റെ അമ്മാവന്റെ മകളാണ് രമ്യ. ഇരുവരും പ്രണയത്തിലായിരുന്നെന്ന് പൊലീസ് പറഞ്ഞു. ബെംഗളൂരുവില്‍ നഴ്‌സ് ആണ് രമ്യ. വീട്ടുകാര്‍ വിവാഹത്തിന് എതിരുനില്‍ക്കുമെന്ന് ഭയന്ന് ഇരുവരും ജീവനൊടുക്കിയതായാണ് നിഗമനമെന്ന് പൊലീസ് പറഞ്ഞു.

ജൂലൈ 11ന് വൈകിട്ട് വിനീഷ് വീട്ടില്‍നിന്നു പോയതാണ്. പിറ്റേന്ന് വൈകിട്ട് രമ്യയുമൊത്ത് നിലമ്പൂരെത്തി. രമ്യയുടെ ഫോണില്‍നിന്ന് വിനീഷിന്റെ വീട്ടുകാരെ വിളിച്ചതായി പറയുന്നു. റബര്‍ മരത്തില്‍ കിടക്കവിരിയുടെ രണ്ടറ്റത്തായി തൂങ്ങിയ നിലയിലാണ് മൃതദേഹങ്ങള്‍.

വിറക് ശേഖരിക്കാന്‍ എത്തിയ സ്ത്രീകളാണ് റബ്ബറില്‍ തൂങ്ങിയ നിലയില്‍ മൃതദേഹങ്ങള കണ്ടത്. ബെംഗളൂരുവില്‍ നഴ്‌സ് ആണ് രമ്യ. ഇരുവരുടെയും പ്രണയം വീട്ടുകാര്‍ക്ക് അറിയാമായിരുന്നു. ഇവര്‍ തമ്മിലുള്ള വിവാഹം നടത്തി കൊടുക്കാനും വീനിഷിന്റെ മാതാപിതാക്കള്‍ സമ്മതം അറിയിച്ചിരുന്നു. എന്നാല്‍ ചേട്ടന്റ വിവാഹ ശേഷമാകാം എന്നു പറഞ്ഞിരുന്നതായി പ്രദേശവാസികള്‍ പറയുന്നു.

എന്നാല്‍ വീട്ടുകാര്‍ സമ്മതം അറിയിച്ചിട്ടും എന്തിനാണ് ഇവര്‍ ആത്മഹത്യ തിരഞ്ഞെടുത്തതെന്നാണ് എല്ലാവരുടേയും സംശയം. വീട്ടുകാര്‍ വിവാഹത്തിന് എതിരുനില്‍ക്കുമെന്ന് ഭയന്ന് ഇരുവരും ജീവനൊടുക്കിയതായാണ് നിഗമനമെന്ന് പൊലീസ് പറഞ്ഞു.

ഡിവൈഎസ്പി സാജു കെ.ഏബ്രഹാം സ്ഥലം സന്ദര്‍ശിച്ചു. ഇന്‍സ്‌പെക്ടര്‍ പി.വിഷ്ണു ഇന്‍ക്വസ്റ്റ് നടത്തി. മഞ്ചേരി മെഡിക്കല്‍ കോളജില്‍ പൊലീസ് സര്‍ജന്‍ പോസ്റ്റുമോര്‍ട്ടം നടത്തും.

അതേസമയം മറ്റൊരു ഞെട്ടിക്കുന്ന മരണവും റിപ്പോര്‍ട്ട് ചെയ്തു. പ്രതിശ്രുത വരന്‍ വിവാഹത്തില്‍നിന്ന് പിന്മാറിയതില്‍ മനംനൊന്ത് പതിനാറുകാരി റെയില്‍വേ സ്‌റ്റേഷനിലെത്തി ട്രെയിനിനു മുന്‍പില്‍ ചാടി ജീവനൊടുക്കാന്‍ ചെയ്യാന്‍ ശ്രമിച്ചു. പ്രായപൂര്‍ത്തിയാകുന്നതിനു മുന്‍പ് പെണ്‍കുട്ടിയെ വിവാഹത്തിനു പ്രേരിപ്പിച്ചതിന് യുവാവിനും, പെണ്‍കുട്ടിയുടെയും യുവാവിന്റെയും വീട്ടുകാര്‍ക്കുമെതിരെ കേസെടുക്കണമെന്ന് ചൈല്‍ഡ്‌ലൈന്‍ റിപ്പോര്‍ട്ട് നല്‍കി. പ്രതിശ്രുത വരനെതിരെയും നടപടി വേണമെന്ന് റിപ്പോര്‍ട്ടില്‍ ആവശ്യപ്പെട്ടിട്ടുണ്ട്.


11നു രാത്രി ഒന്‍പതോടെയാണ് കുട്ടി തിരൂര്‍ റെയില്‍വേ സ്‌റ്റേഷനില്‍ എത്തി ജീവനൊടുക്കാന്‍ ശ്രമിച്ചത്. സിസിടിവിയിലൂടെ ഇതുകണ്ട ആര്‍പിഎഫ് ഉദ്യോഗസ്ഥര്‍ ഓടിയെത്തി കുട്ടിയെ രക്ഷപ്പെടുത്തി. തുടര്‍ന്ന് ചൈല്‍ഡ്‌ലൈന്‍ പ്രവര്‍ത്തകരെ വിവരമറിയിച്ചു. പ്രതിശ്രുത വരന്‍ വിവാഹത്തില്‍നിന്ന് പിന്മാറിയതാണ് ജീവനൊടുക്കാനുള്ള ശ്രമത്തിന് കാരണമെന്ന് കുട്ടി ഇവരെ അറിയിച്ചു.