മൂന്നാമത് അന്താരാഷ്ട്ര വനിതാ ചലച്ചിത്രോത്സവത്തിന് തിരിതെളിഞ്ഞു... കേരളീയ സമൂഹത്തിന്റെ പുരോഗമന ചിന്താഗതിക്ക് അടിത്തറ പാകുന്നതില് ചലച്ചിത്രമേളകള് വലിയ പങ്കുവഹിച്ചതായി മന്ത്രി പി എ മുഹമ്മദ് റിയാസ്
മൂന്നാമത് അന്താരാഷ്ട്ര വനിതാ ചലച്ചിത്രോത്സവത്തിന് തിരിതെളിഞ്ഞു. കൈരളി, ശ്രീ തിയറ്ററില് മൂന്നുദിവസമായി നടക്കുന്ന മേള മന്ത്രി പി എ മുഹമ്മദ് റിയാസ് ഉദ്ഘാടനംചെയ്തു.
കേരളീയ സമൂഹത്തിന്റെ പുരോഗമന ചിന്താഗതിക്ക് അടിത്തറ പാകുന്നതില് ചലച്ചിത്രമേളകള് വലിയ പങ്കുവഹിച്ചതായി അദ്ദേഹം പറഞ്ഞു. സിനിമയ്ക്ക് സമൂഹത്തിന്റെ കാഴ്ചപ്പാടില് വലിയ മാറ്റം സൃഷ്ടിക്കാനായി. സ്ത്രീകളെ സിനിമയുടെ മുഖ്യധാരയിലേക്ക് ഉയര്ത്താന് ബജറ്റില് തുക നീക്കിവച്ച ഏക സംസ്ഥാനമാണ് കേരളമെന്നും അദ്ദേഹം പറഞ്ഞു.
കൈരളി തിയറ്ററില് നടന്ന ചടങ്ങില് മേയര് ഡോ. ബീന ഫിലിപ്പ് അധ്യക്ഷയായി. ചലച്ചിത്ര മേളയുടെ ബുക്ക്ലറ്റ് വനിതാ കമീഷന് അധ്യക്ഷ പി സതീദേവി ചലച്ചിത്ര വികസന കോര്പറേഷന് എംഡി എന് മായക്ക് നല്കി പ്രകാശിപ്പിച്ചു. സിനിമാ മേഖലയില് മികവ് തെളിയിച്ച കുട്ട്യേടത്തി വിലാസിനി, നിലമ്പൂര് ആയിഷ, വിധുബാല, സീനത്ത്, സരസ ബാലുശേരി, സാവിത്രി ശ്രീധരന്, എല്സി സുകുമാരന്, പുഷ്പ കല്ലായി, അജിത നമ്പ്യാര്, കബനി ഹരിദാസ്, സീമ ഹരിദാസ്, ശ്രീരജനി എന്നിവരെ ചടങ്ങില് ആദരിച്ചു.
"
https://www.facebook.com/Malayalivartha
