ഫേസ്ബുക്കില് പോസ്റ്റ് ചെയ്യുന്നവര് സൂക്ഷിക്കുക, ഇന്റര്നെറ്റ് ഉള്ളടക്കങ്ങളില് സര്ക്കാരിന് ഇടപെടാം, ആവിഷ്കാര സ്വാതന്ത്ര്യത്തിന് പരിധിയുണ്ട്
ഇത് സിറ്റിസണ് ജേണലിസ്റ്റുകളുടെ കാലമാണ്. വാര്ത്തകള് ആര്ക്കും കണ്ടെത്താനാകും. എന്നാല് വാര്ത്തകള് സൃഷ്ടിക്കുമ്പോഴാണ് പ്രശനമാകുന്നത്. മറ്റുള്ളവരുടെ താല്പര്യങ്ങള് ഹനിക്കുന്ന വാര്ത്തകള് പോസ്റ്റ് ചെയ്യുന്നവര്ക്കുള്ള മുന്നറിയിപ്പാണ് സുപ്രീം കോടതിയുടെ ഈ വിധി. ഇന്റര്നെറ്റ് ഉളളടക്കങ്ങളില് സര്ക്കാരിന് ഇടപെടാമെന്ന് സുപ്രീംകോടതി വ്യക്തമാക്കി. ഇന്റര്നെറ്റിലെ ആവിഷ്ക്കാര സ്വാതന്ത്ര്യത്തിന് പരിധിയുണ്ട്. ഇന്റര്നെറ്റിലെ അഭിപ്രായ പ്രകടനങ്ങള് നിയന്ത്രിക്കുന്നത് അഭിപ്രായ സ്വാതന്ത്ര്യത്തിനുമേലുള്ള കടന്നുകയറ്റണല്ലെന്നും സുപ്രീംകോടതി വ്യക്തമാക്കി. മൗത്ത് ഷട്ട്.കോം നല്കിയ ഹര്ജിയിലാണ് സുപ്രീംകോടതിയുടെ സുപ്രധാന വിധി. പരാതി ലഭിച്ച് 36 മണിക്കൂറിനുള്ളില് വിവരങ്ങള് നീക്കം ചെയ്യണമെന്ന നിര്ദ്ദേശത്തെ ചോദ്യം ചേയ്താണ് മൗത്ത് ഷട്ട് ഡോട്ട് കോം പരാതി നല്കിയത്.
സമൂഹത്തില് പ്രശ്നമുണ്ടാക്കുന്ന പരാമര്ശങ്ങള് തടയേണ്ടത് സര്ക്കാരിന്റെ ബാധ്യതയാണ്. അഭ്യൂഹങ്ങള് വഴി പ്രശ്നങ്ങള് ഉണ്ടാകുന്നത് പ്രോത്സാഹിപ്പിക്കാനാവില്ല. രാജ്യതാത്പര്യങ്ങള്ക്ക് വിരുദ്ധമായ അഭിപ്രായങ്ങള് പ്രചരിക്കുന്നത് നിയന്ത്രിക്കാന് സര്ക്കാരിന് ചുമതലയുണ്ട്. മ്യാന്മര് കലാപത്തെ തുടര്ന്നുണ്ടായ വര്ഗ്ഗീയ പ്രചാരങ്ങളെ തുടര്ന്ന് വടക്കു കിഴക്കന് സംസ്ഥാനക്കാരായ ആയിരങ്ങളാണ് ബംഗളൂരു അടക്കമുള്ള തെക്കേ ഇന്ത്യന് നഗരങ്ങളില് നിന്നും പാലായനം ചെയ്തത്. ഇക്കാര്യവും കോടതി വിചാരണക്കിടെ സുപ്രീംകോടതി ചൂണ്ടിക്കാണിച്ചിരുന്നു.
https://www.facebook.com/Malayalivartha
