വളരെ വളരെ കുറഞ്ഞ മരണനിരക്കുള്ള ഒരു രോഗമാണ് മങ്കി പോക്സ്. അവൻ പരിപൂർണ്ണമായും ഒരു ലൈംഗികരോഗവുമല്ല. മങ്കി പോക്സിനെ കുറിച്ച് വ്യക്തമാക്കി ഡോ. സുൽഫി നൂഹ്. അദ്ദേഹത്തിന്റെ ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ; അവൻ കൊല്ലില്ല . അവൻ പരിപൂർണ്ണമായും ഒരു ലൈംഗികരോഗവുമല്ല. അതെ മങ്കി പോക്സിനെ കുറിച്ചാണ് പറയുന്നത്.

വളരെ വളരെ കുറഞ്ഞ മരണനിരക്കുള്ള ഒരു രോഗമാണ് മങ്കി പോക്സ്. ചില കണക്കുകൾ പറയുന്നത് അത് വെറും 1% ത്തിനും താഴെ എന്നാണ്. 1% ത്തിന് താഴെ മരണനിരക്കുള്ള ഒരു രോഗത്തെ അങ്ങനെയങ്ങ് ഭയക്കണൊയെന്നുള്ളത് വളരെ പ്രസക്തമായ ചോദ്യം! രണ്ടു മുതൽ നാലാഴ്ചകൾക്കുള്ളിൽ പരിപൂർണ്ണമായിട്ടും സുഖപ്പെടുന്ന ഈ രോഗം അപൂർവമായി കോംപ്ലിക്കേഷൻസിലേക്ക് പോകാൻ സാധ്യതയുണ്ട്.

ന്യൂമോണിയയും തലച്ചോറിലെ അണുബാധയും സെക്കൻഡറി ഇൻഫെക്ഷനും കാഴ്ച നഷ്ടപ്പെടലും അങ്ങനെ ചില സങ്കീർണതകളും റിപ്പോർട്ട് ചെയ്യപ്പെട്ടിട്ടുണ്ട്. പക്ഷേ അത്യപൂർവ്വം. അതുകൊണ്ടുതന്നെ മങ്കി പോക്സ് കൊല്ലില്ല. അതിനേക്കാൾ അപകടം മങ്കിപോക്സ് രോഗമുണ്ടെന്നുള്ളത് മറച്ചുവയ്ക്കാനുള്ള ഒരു ത്വര കണ്ടുവരുന്നതാണ്. അതൊരു ലൈംഗികബന്ധത്തിലൂടെ മാത്രം പടരുന്ന രോഗമാണെന്നുള്ള പ്രചരണമാണ് കാരണം.

പ്രത്യേകിച്ച് ആണും ആണും തമ്മിൽ മാൻ 2 മാൻ സെക്സ് ഏർപ്പെടുന്നവർക്ക് ഈ രോഗം ഐഡന്റിഫൈ ചെയ്തു എന്നുള്ളത് സത്യമാണ്. എന്നാൽ അതു മാത്രമല്ല കാരണം മാൻ 2 വിമൺ സെക്സിലും അതുണ്ടാകാം. എന്ന് മാത്രമല്ല അടുത്തിടപഴകുന്ന ഏത് രീതിയിലും രോഗം പകരാം. വലിയ ഡ്രോപ്പ്ലെറ്റുകളിൽ നിന്ന് സ്കിന്നിൽ വരുന്ന തടിപ്പുകളിൽ നിന്നുണ്ടാകുന്ന ശ്രവുമായുള്ള സമ്പർക്കം അങ്ങനെ തുടങ്ങി വളരെ വളരെ അടുത്തിടപഴുകുന്ന

എന്ത് കാരണത്താലും ഉണ്ടാകാം. വളരെ ക്ലോസ് കോൺടാക്ട് ഉണ്ടാകണമെന്ന് മാത്രം. ഈ മങ്കി പൊക്സിനെ ഒരു സെക്സ്വലി ട്രാൻസ്മിറ്റഡ് ഡിസീസ് മാത്രമായി ചിത്രീകരിക്കുന്നത് രോഗം മറച്ചുവയ്ക്കുവാനും അത് കൂടുതൽ പേർക്ക് പകരുവാനും സാധ്യതയുണ്ടാക്കും. രോഗലക്ഷണങ്ങളായ തൊലിയിലെ തടിപ്പ് പനി ശരീരവേദന ഗ്രന്ഥി വീർക്കം തുടങ്ങിയവ ഉണ്ടാവുകയാണെങ്കിൽ ഡോക്ടറെ സമീപിക്കുകയും ടെസ്റ്റുകൾ ചെയ്യുകയും വേണം എന്നുള്ളത് നിർബന്ധം.

എന്നാലും അവൻ കൊല്ലില്ല. കൊല്ലാനുള്ള സാധ്യത വളരെ വിരളം എന്ന് മാത്രമല്ല ലൈംഗികബന്ധത്തിലൂടെ രോഗം പടരുന്നത് പടരുന്ന രീതികളിൽ ഒന്നുമാത്രം. ഞാൻ മാൻ റ്റു മാൻ സെക്സ് ചെയ്തിട്ടില്ലാത്തതിനാൽ എനിക്ക് വരില്ല എന്നുള്ളത് തെറ്റായ ധാരണയാണ്. എന്നാലും അവൻ കൊല്ലില്ല ഒരു നൂറുവട്ടം. അവൻ പരിപൂർണ്ണമായും ഒരു ലൈംഗികരോഗം മാത്രവുമല്ല. അത്രതന്നെ. ഡോ സുൽഫി നൂഹു