തിരുവനന്തപുരം തിരുവല്ലത്തെ വാഹനാപകടത്തിൽ പെട്ടു,മൂക്കിന്റെ എല്ലിന് പരിക്കേറ്റ നഴ്സിംഗ് അധ്യാപിക ശസ്ത്രക്രിയക്കിടെ മരിച്ചു; എസ്.പി ഫോർട്ട് ആശുപത്രിക്കെതിരെ പരാതിയുമായി കുടുംബം അമിത രക്തസ്രാവമാണ് മരണകാരണമെന്ന് ആശുപത്രി!!
ജൂലൈ 19ന് വൈകിട്ട് നാലരയ്ക്കാണ് നഴ്സിംഗ് അധ്യാപികയായ രാഖിക്ക് തിരുവല്ലത്ത് വാഹനാപകടത്തിൽപ്പെടുന്നത്. എന്നാൽ കാലിലെയും മൂക്കിലെയും ചെറിയൊരു പരിക്ക് ഒഴിച്ചാൽ മറ്റ് പ്രശ്നങ്ങളില്ലായിരുന്നെന്ന് കുടുംബം പറയുന്നു.
എന്നാൽ എസ്.പി ഫോർട്ട് ആശുപത്രിയിൽ മൂന്ന് ദിവസം നിരീക്ഷണത്തിൽ കഴിഞ്ഞു. മൂക്കിലെ എല്ലിന് ചെറിയൊരു പൊട്ടലുണ്ടെന്നും അരമണിക്കൂർ മാത്രമുള്ള ശസ്ത്രക്രിയ കൊണ്ട് പ്രശ്നം പരിഹരിക്കാമെന്നും പറഞ്ഞതോടെ നെടുമങ്ങാട് നൈറ്റിംഗ് ഗേൾ നഴ്സിംഗ് കോളജിലെ അധ്യാപിക കൂടിയായ രാഖി അതിന് സമ്മതിച്ചു.അന്നു തന്നെ മറ്റൊരു സ്വകാര്യ ആശുപത്രിയിലേക്ക് എസ് പി ഫോർട്ട് ആശുപത്രി മാനേജ്മെൻറ് തന്നെ മാറ്റി.
തുടർന്ന് പത്തു ദിവസത്തിലധികം വെൻറിലേറ്ററിലായിരുന്നു. അവിടുന്നാണ് തിരുവനന്തപുരം മെഡിക്കൽ കോളജിലെ സൂപ്പർ സ്പെഷ്യാലിറ്റിയിലേക്ക് മാറ്റിയത്. തുടർന്നാണ് ഇന്നലെ രാഖി മരിച്ചത്.അമിത രക്തസ്രാവമാണ് മരണകാരണമെന്ന് ആശുപത്രി അധികൃതരുടെ വിശദീകരണം. സംഭവത്തിൽ ആരോഗ്യമന്ത്രി, ഡിജിപി ഉൾപ്പെടെയുള്ളവർക്ക് കുടുംബം പരാതി നൽകിയിട്ടുണ്ട്.
https://www.facebook.com/Malayalivartha