ആസാദ് കശ്മീർ പരാമർശത്തിൽ കെ.ടി ജലീലിനെതിരെ കടുത്ത വിമർശനവുമായി കെ. സുരേന്ദ്രൻ. വിവാദ പ്രസ്താവനയിൽ മാപ്പ് പറയാൻ ഇതുവരെ തയ്യാറാകാത്ത ജലീൽ പാകിസ്താനിലേക്ക് പോകണമെന്ന് സുരേന്ദ്രൻ പറഞ്ഞു. ആസാദി കാ അമൃത് മഹോത്സവത്തിന്റെ ഭാഗമായി വയനാട് നടക്കുന്ന തിരംഗ യാത്ര ഉദ്ഘാടനം ചെയ്യാൻ എത്തിയതായിരുന്നു അദ്ദേഹം.

കെ.ടി ജലീലിന് ഇന്ത്യയിൽ ജീവിക്കാനുള്ള അവകാശമില്ല. അതിനാൽ പാകിസ്താനിലേക്ക് പോകണം. വിവാദ പ്രസ്താവനയിൽ മാപ്പ് പറയാൻ കെ.ടി ജലീൽ ഇതുവരെ തയ്യാറായിട്ടില്ല. ഇന്ത്യയുടെ ഭരണഘടനയെയും സൈന്യത്തെയും കെ.ടി ജലീലിന് ബഹുമാനമില്ല. അങ്ങനെയൊരാളുടെ സ്ഥാനം പാകിസ്താനിലാണെന്നും സുരേന്ദ്രൻ വിമർശിച്ചു.

പാകിസ്താൻ ചാരനെ പോലെയാണ് ജലീലിൻ്റെ വാക്കുകൾ.ഫേസ്ബുക്ക് പോസ്റ്റ് പിൻവലിച്ചത് കൊണ്ട് പ്രശ്നം അവസാനിക്കുന്നില്ല.ഇന്ത്യൻ അതിർത്തി അംഗീകരിക്കാത്ത ആളാണ് ജലീൽ.നിയമ നടപടി നേരിടണം, മാപ്പ് പറയണം.ജലീലിനെതിരെ ബിജെപി പ്രതിഷേധം ശക്തമാക്കുമെന്നും സുരേന്ദ്രന്‍ വ്യക്തമാക്കി.