എല്ലാ മാസവും നിരക്ക് ഉയര്ത്താന് വൈദ്യുതി വിതരണ കമ്പനികള്ക്ക് അനുമതി നല്കുന്ന കരട് വൈദ്യുതി ചട്ടഭേദഗതി നിര്ദേശം പുറത്തിറക്കി കേന്ദ്ര ഊര്ജമന്ത്രാലയം
എല്ലാ മാസവും നിരക്ക് ഉയര്ത്താന് വൈദ്യുതി വിതരണ കമ്പനികള്ക്ക് അനുമതി നല്കുന്ന കരട് വൈദ്യുതി ചട്ടഭേദഗതി നിര്ദേശം പുറത്തിറക്കി കേന്ദ്ര ഊര്ജമന്ത്രാലയം .
വൈദ്യുതി റെഗുലേറ്ററി കമ്മിഷന്റെ മുന്കൂര് അനുമതിയില്ലാതെ മാസംതോറും വൈദ്യുതിനിരക്ക് കൂട്ടാന് വൈദ്യുതിബോര്ഡ് ഉള്പ്പെടെയുള്ള വിതരണ ഏജന്സികളെ അനുവദിക്കുന്ന ചട്ടഭേദഗതിയുമായി കേന്ദ്രം.
അംഗീകൃത വൈദ്യുതിനിരക്കിനുപുറമേ വൈദ്യുതി വാങ്ങുന്നതിന് വിതരണ ഏജന്സിക്കുണ്ടായ അധികച്ചെലവും വൈദ്യുതി ഉത്പാദിപ്പിക്കാനുള്ള ഇന്ധനത്തിന്റെ വിലവര്ധനയും ഉള്പ്പെടെ മാസംതോറും ഈടാക്കാനാണ് അനുമതി നല്കുന്നത്. ഈ നിര്ദേശങ്ങളടങ്ങിയ വൈദ്യുതി ഭേദഗതിച്ചട്ടം-2022ന്റെ കരടു രൂപത്തിന്മേല് അഭിപ്രായമറിയിക്കാന് കേന്ദ്ര ഊര്ജമന്ത്രാലയം സംസ്ഥാനങ്ങള്ക്ക് കൈമാറി.
വൈദ്യുതി വിതരണത്തില് സ്വകാര്യവത്കരണത്തെ പ്രോത്സാഹിപ്പിക്കുന്ന വിവാദമായ വൈദ്യുതി നിയമഭേദഗതി പാര്ലമെന്റ് സ്റ്റാന്ഡിങ് കമ്മിറ്റിക്ക് വിട്ടതിനുപിന്നാലെയാണ് ചട്ടഭേദഗതിയുമായി കേന്ദ്രത്തിന്റെ രംഗപ്രവേശം.
വൈദ്യുതി ഉത്പാദിപ്പിക്കുന്നതിനുള്ള ഇന്ധനച്ചെലവ് കൂടിയാല് അത് ഉപഭോക്താക്കളില്നിന്ന് ഈടാക്കാന് നിലവില് വ്യവസ്ഥയുണ്ട്. ഇന്ധന സര്ച്ചാര്ജ് എന്നാണ് ഇതറിയപ്പെടുന്നത്.
മൂന്നുമാസത്തിലൊരിക്കല് ഈ ചെലവ് കണക്കാക്കി വൈദ്യുതിവിതരണ ഏജന്സികള് റെഗുലേറ്ററി കമ്മിഷനെ അറിയിക്കണം. ഇതില് കമ്മിഷന് അനുവദിക്കുന്ന അധികബാധ്യതമാത്രമേ ഉപഭോക്താക്കളില്നിന്ന് ഈടാക്കാവൂ. പുതിയചട്ടം നിലവില്വന്നാല് ഇത്തരം ഇളവുകള് കിട്ടില്ല. റെഗുലേറ്ററി കമ്മിഷന് സൂത്രവാക്യം രൂപവത്കരിച്ച് നല്കണം. ഇതിന്റെ അടിസ്ഥാനത്തില് മാസംതോറുമുള്ള അധികച്ചെലവ് ഈടാക്കണം. ഈ സര്ച്ചാര്ജ് വൈദ്യുതി വിതരണത്തിനുവേണ്ട ചെലവിന്റെ 20 ശതമാനത്തില് കൂടരുത്. ഇത് അതതു മാസം ഈടാക്കിയില്ലെങ്കില് പിന്നീട് ഈടാക്കാനാവില്ല.
അതിനാല് ഈ പണം നഷ്ടപ്പെടുത്താന് വിതരണ ഏജന്സികള് തയ്യാറാവില്ല. എല്ലാ മാസവും ഉപഭോക്താക്കളില്നിന്ന് അധികച്ചെലവ് ഈടാക്കുന്നെന്ന് ഉറപ്പാക്കാനാണ് ഈ വ്യവസ്ഥ.
"
https://www.facebook.com/Malayalivartha
