രാജ്യ തലസ്ഥാനത്ത് വീണ്ടും കോവിഡ് കേസുകളില് വര്ദ്ധനവ്.... കൊവിഡ് കേസുകള് കൂടുന്ന സാഹചര്യത്തില് വിമാനയാത്രയില് കൊവിഡ് നിയന്ത്രണങ്ങള് കര്ശനമാക്കി
രാജ്യ തലസ്ഥാനത്ത് കൊവിഡ് വീണ്ടും പിടിമുറുക്കുന്നു. ആശുപത്രിയില് പ്രവേശിപ്പിക്കപ്പെടുന്ന രോഗികളുടെ എണ്ണം ഇരട്ടിയായി വര്ദ്ധിച്ചുവെന്നാണ് റിപ്പോര്ട്ടുകള് .ഓഗസ്റ്റ് ഒന്നിന് ഡല്ഹിയിലെ കൊവിഡ് രോഗികളുടെ എണ്ണം 3.23 ശതമാനം മാത്രമായിരുന്നു. എന്നാല് കഴിഞ്ഞദിവസം ഇത് 6.23 ശതമാനമായി ഉയര്ന്നു.
കൃത്യമായി വാക്സിനേഷന് എടുക്കാത്തവരാണ് രോഗബാധിതരില് കൂടുതലും. കേസുകളുടെ വര്ദ്ധനവ് കണക്കിലെടുത്ത് എത്രയും പെട്ടെന്ന് ബൂസ്റ്റര് ഡോസുകള് എടുക്കാന് ജനങ്ങള് തയ്യാറാവണമെന്ന് ഡല്ഹി ഉപമുഖ്യമന്ത്രി മനീഷ് സിസോദിയ അഭ്യര്ത്ഥിച്ചു.
മഹാരാഷ്ട്രയിലും രോഗികളുടെ എണ്ണം വര്ദ്ധിക്കുകയാണ്. അതിനിടെ രാജ്യത്ത് കൊവിഡ് കേസുകള് കൂടുന്ന സാഹചര്യത്തില് വിമാനയാത്രയില് കൊവിഡ് നിയന്ത്രണങ്ങള് കര്ശനമാക്കി്. ഡിജിസിഎ കോമേഴ്സ്യല് വിമാനകമ്പനികള്ക്ക് നല്കിയ നിര്ദ്ദേശപ്രകാരം യാത്രക്കാര് കൊവിഡ് മാനദണ്ഡങ്ങള് കര്ശനമായി പാലിക്കുന്നുണ്ടെന്ന് ഉറപ്പുവരുത്തണം .
ഇത് പാലിക്കുന്നുണ്ടെന്ന് ഉറപ്പുവരുത്താന് ഡിജിസിഎ കര്ശനമായ പരിശോധനകള് നടത്തിയേക്കാമെന്നും മുന്നറിയിപ്പ് നല്കിയിട്ടുണ്ട്. യാത്രക്കാര് എപ്പോഴും മാസ്കുകള് കൃത്യമായി ധരിക്കണമെന്നും കൃത്യമായ ശുചിത്വം പാലിക്കണമെന്നും നിബന്ധനയുണ്ട്.
നിയമലംഘകര്ക്കെതിരെ ശിക്ഷാ നടപടികള് സ്വീകരിക്കാനും ഡിജിസിഎ എയര്ലൈന് കമ്പനികള്ക്ക് അനുവാദം നല്കി.
"
https://www.facebook.com/Malayalivartha
