അറിയപ്പെടുന്ന അക്കാദമിഷ്യനും, ചരിത്രകാരനുമായ കണ്ണൂര് വി.സിയെ ക്രിമിനല് എന്നുവിളിച്ച ഗവര്ണറുടെ നടപടി അങ്ങേയറ്റം പ്രതിഷേധാര്ഹമാണ്; എന്ത് ക്രിമിനല് കുറ്റമാണ് വി.സി ചെയ്തത് എന്ന് ഗവര്ണര് വ്യക്തമാക്കണം; ഗവര്ണറുടെ നടപടി അദ്ദേഹം വഹിക്കുന്ന ഭരണഘടനാ പദവിക്ക് നിരക്കാത്തത്; ഗവര്ണർക്കെതിരെ സി.പി.ഐ സംസ്ഥാന സെക്രട്ടറിയേറ്റ്
ഗവര്ണർക്കെതിരെ സി.പി.ഐ സംസ്ഥാന സെക്രട്ടറിയേറ്റ് പ്രസ്താവന പുറത്തിറക്കിയിരിക്കുകയാണ്. ഗവര്ണറുടെ നടപടി അദ്ദേഹം വഹിക്കുന്ന ഭരണഘടനാ പദവിക്ക് നിരക്കാത്തത് എന്നാണ് പ്രസ്താവനയിൽ പറയുന്നത്. അറിയപ്പെടുന്ന അക്കാദമിഷ്യനും, ചരിത്രകാരനുമായ കണ്ണൂര് വി.സിയെ ക്രിമിനല് എന്നുവിളിച്ച ഗവര്ണറുടെ നടപടി അങ്ങേയറ്റം പ്രതിഷേധാര്ഹമാണെന്ന് സി.പി.ഐ (എം) സംസ്ഥാന സെക്രട്ടറിയേറ്റ് പ്രസ്താവനയില് പറഞ്ഞു.
എന്ത് ക്രിമിനല് കുറ്റമാണ് വി.സി ചെയ്തത് എന്ന് ഗവര്ണര് വ്യക്തമാക്കണം. ഗവര്ണര് എടുത്ത നടപടിയില് നിയമപരമായി മാത്രം വിയോജിപ്പ് രേഖപ്പെടുത്തിയ ആളാണ് കണ്ണൂര് വി.സി നിയമപരമായും, മാന്യമായും മറുപടി പറയുന്നതിന് പകരം തന്റെ സ്ഥാനത്തിന് യോജിക്കാത്ത തരത്തില് പ്രതികരിക്കുന്നത് ഗവര്ണര് പദവിക്ക് യോജിച്ചതാണോയെന്ന് അദ്ദേഹം പരിശോധിക്കണം.
അറിയപ്പെടുന്ന ആര്.എസ്.എസുകാരെ തന്റെ ജീവനക്കാരായി നിശ്ചയിച്ച് സര്ക്കാരിനെതിരെയുള്ള ഉപജാപങ്ങളുടെ കേന്ദ്രമാക്കി തന്റെ ഓഫീസിനെ മാറ്റിയ ഗവര്ണര് രാജ് ഭവനെ കേവലം ആര്.എസ്.എസ് ശാഖയുടെ നിലവാരത്തിലേക്ക് അധപ്പതിപ്പിക്കുകയാണ്. തെറ്റ് ചൂണ്ടിക്കാണിക്കുന്നതിന് പകരം സര്വ്വ സീമകളും ലംഘിച്ച് നടത്തിക്കൊണ്ടിരിക്കുന്ന രാഷ്ട്രീയ ഇടപെടലുകള് ആരെ പ്രീതിപ്പെടുത്താനുള്ളതാണ് എന്ന് ഗവര്ണറാണ് വ്യക്തമാക്കേണ്ടത്.
ഈ ഭരണത്തിന് കീഴില് ഔന്നത്ത്യത്തിലേക്ക് സഞ്ചരിക്കുന്ന കേരളത്തിലെ ഉന്നത വിദ്യാഭ്യാസ രംഗത്തെ നേട്ടങ്ങളെ ഇല്ലായ്മ ചെയ്യാനാണ് അദ്ദേഹത്തിന്റെ ശ്രമം. ഉന്നത വിദ്യാഭ്യാസ രംഗത്തെ ഗുണപരമായ മാറ്റങ്ങള് ഉള്ക്കൊള്ളാന് ഗവര്ണര്ക്കുള്ള വിഷമം മനസ്സിലാക്കാവുന്നതേയുള്ളൂ. എന്.ഐ.ആര്.എഫ് റാങ്കിങ്ങിലും, ചഅഅഇ അക്രഡിറ്റേഷനിലും കേരളത്തിലെ സര്വ്വകലാശാലകളും, കോളേജുകളും നിലവാരം മെച്ചപ്പെട്ടുവരുന്നത് സര്ക്കാര് ഇടപെടലിന്റെ കൂടി ഭാഗമായിട്ടാണ്.
കേരളാ യൂണിവേഴ്സിറ്റി ഗ്രേഡിംഗുകള് കരസ്ഥമാക്കിയത് ഈയിടെ ആണ്. ഡിജിറ്റല് സര്വ്വകലാശാലയും, ശ്രീനാരായണ ഗുരു ഓപ്പണ് സര്വ്വകലാശാലയും കേരളത്തില് പ്രവര്ത്തനം ആരംഭിച്ചതും ഇടത് ഭരണത്തിന് കീഴിലാണ്. അതുപോലെ പൊതു വിദ്യാഭ്യാസ രംഗത്തും കേരളം കുതിപ്പിന്റെ പാതയിലാണ്. ഈ നേട്ടങ്ങളെ കാണാനും, അംഗീകരിക്കാനും ഗവര്ണര്ക്ക് സാധിക്കുന്നില്ല എന്നത് ദൗര്ഭാഗ്യകരമാണ് എന്നും സംസ്ഥാന സെക്രട്ടറിയേറ്റ് പ്രസ്താവനയില് ചൂണ്ടിക്കാണിച്ചു.
https://www.facebook.com/Malayalivartha
