അഴിമതിയില് ഒരിക്കല് കാല്വഴുതിയാല് നേരെയാക്കാന് പ്രയാസമാകുമെന്ന് മനസ്സിലാക്കണം; സിവില്സര്വീസ് ജേതാക്കളോട് മുഖ്യമന്ത്രി
സിവില് സര്വീസ് ജേതാക്കളോട് അഴിമതിയെ കുറിച്ച് ബോധവൽക്കരണം നടത്തി മുഖ്യമന്ത്രി. അഴിമതിയില് ഒരിക്കല് കാല്വഴുതിയാല് പിന്നെ നേരെയാക്കാന് പ്രയാസമാണെന്നു മനസ്സിലാക്കണമെന്ന് സിവില് സര്വീസ് ജേതാക്കളോട് മുഖ്യമന്ത്രി പറഞ്ഞു.
അതേസമയം അഴിമതി വലിയതോതില് ബാധിക്കാറില്ലെന്നതാണ് സിവില് സര്വീസ് മേഖലയുടെ പ്രത്യേകതയെന്നും, എന്നാൽ അഴിമതി സ്വജീവിതത്തില് ഉണ്ടാവില്ലെന്ന് ഉറപ്പിക്കുക മാത്രമല്ല, അഴിമതിയെ പ്രോത്സാഹിപ്പിക്കാത്ത നിലപാട് പുലര്ത്തുകയും വേണമെന്നും അദ്ദേഹം പറഞ്ഞു. തുടക്കംമുതലേ നല്ല ജാഗ്രത പുലര്ത്തണമെന്നും അദ്ദേഹം ഉപദേശിച്ചു. ഒപ്പം മനുഷ്യത്വം മുന്നിര്ത്തിയുള്ള പരിശോധനാരീതി ഏറ്റവും പ്രധാനമാണെന്നും മുഖ്യമന്ത്രി പറഞ്ഞു.
കഴിഞ്ഞ ദിവസമാണ് പരിപാടി നടന്നത്. സെന്റര് ഫോര് കണ്ടിന്യൂയിങ് എഡ്യൂക്കേഷന് കേരള (സി.സി.ഇ.കെ.)യുടെ കീഴില് സംസ്ഥാന സിവില് സര്വീസ് അക്കാദമിയില്നിന്ന് പരിശീലനം ലഭിച്ചവരില് കഴിഞ്ഞ വര്ഷത്തെ സിവില് സര്വീസ്, ഫോറസ്റ്റ് സര്വീസ് പരീക്ഷകളിലെ റാങ്ക് ജേതാക്കള്ക്കുള്ള അനുമോദനയോഗം ഉദ്ഘാടനം ചെയ്യുകയായിരുന്നു മുഖ്യമന്ത്രി.
https://www.facebook.com/Malayalivartha
