മാധ്യമപ്രവര്ത്തകന് കെ.എം.ബഷീര് മരിച്ച കേസ് കോടതി ഇന്ന് പരിഗണിക്കും...തിരുവനന്തപുരം ഒന്നാം അഡീഷണല് ജില്ലാ സെഷന്സ് കോടതിയില് ജഡ്ജി കെ.സനില് കുമാറാണ് കേസ് പരിഗണിക്കുന്നത്
മാധ്യമപ്രവര്ത്തകന് കെ.എം.ബഷീര് മരിച്ച കേസ് കോടതി വെള്ളിയാഴ്ച പരിഗണിക്കും. തിരുവനന്തപുരം ഒന്നാം അഡീഷണല് ജില്ലാ സെഷന്സ് കോടതിയില് ജഡ്ജി കെ.സനില് കുമാറാണ് കേസ് പരിഗണിക്കുന്നത്.
പ്രോസിക്യൂഷനുവേണ്ടി ജില്ലാ പബ്ലിക് പ്രോസിക്യൂട്ടര് എ.എ.ഹക്കിം ഹാജരാകും. കേസില് വിചാരണ നടപടികള് ആരംഭിക്കുന്നതിനിടെയാണ് കേസ് പരിഗണിക്കുന്നതിന് പുതിയ ജഡ്ജിയും പബ്ലിക് പ്രോസിക്യൂട്ടറുമെത്തുന്നത്.
ജൂലായ് ഏഴിന് കേസ് പരിഗണിക്കുന്നതിനിടെ രണ്ടാം പ്രതി വഫ നജീം സമര്പ്പിച്ച വിടുതല് ഹര്ജിയുടെ പകര്പ്പ് സര്ക്കാരിനു നല്കാത്തത് ചൂണ്ടിക്കാട്ടി വഫയെ വിചാരണക്കോടതി രൂക്ഷമായി വിമര്ശിച്ചിരുന്നു.
തുടര്ന്നാണ് പ്രോസിക്യൂഷനു പകര്പ്പ് നല്കിയശേഷം കേസ് പരിഗണിക്കാനായി ഇന്നത്തേക്ക് മാറ്റിവച്ചത്. 2019 ഓഗസ്റ്റ് മൂന്ന് പുലര്ച്ചെ ഒരുമണിക്കാണ് ശ്രീറാം വെങ്കിട്ടരാമനും സുഹൃത്തായ വഫയും സഞ്ചരിച്ചിരുന്ന കാറിടിച്ച് ബഷീര് മരിച്ചത്.
"
https://www.facebook.com/Malayalivartha