തൊടുപുഴയില് ധ്യാനകേന്ദ്രത്തിലേക്കു വഴി ചോദിച്ചെത്തിയ യുവാവ് റോഡരികിലൂടെ നടന്നു പോവുകയായിരുന്ന സ്ത്രീയുടെ അഞ്ച് പവന്റെ സ്വര്ണമാല പൊട്ടിച്ചെടുത്തു... സ്ത്രീയുടെ നിലവിളി കേട്ടെത്തിയ നാട്ടുകാര് യുവാവിനെ ഓടിച്ചിട്ട് പിടിച്ചു, ഒടുവില് സംഭവിച്ചത്
തൊടുപുഴയില് റോഡരികിലൂടെ നടന്നു പോവുകയായിരുന്ന സ്ത്രീയുടെ അഞ്ച് പവന്റെ സ്വര്ണമാല പൊട്ടിച്ചെടുത്ത യുവാവിനെ പോലീസില് ഏല്പ്പിച്ച് നാട്ടുകാര്
അടിമാലി തോക്കുപാറ ഇല്ലിക്കല് അജിത്ത് (29) ആണ് അറസ്റ്റിലായത്. തൊടുപുഴ - പാലാ റൂട്ടില് അറയ്ക്കപ്പാറയിലേക്കുള്ള ഇടവഴിയില് ഇന്നലെ രാവിലെ 11.45നാണു സംഭവമുണ്ടായത്. ചാലിക്കുന്നേല് ചിന്നമ്മ ജോസിന്റെ (57) മാലയാണ് പൊട്ടിച്ചെടുത്തത്.
സമീപത്തുള്ള ധ്യാനകേന്ദ്രത്തിലേക്കു വഴി ചോദിച്ചെത്തിയ പ്രതി ചിന്നമ്മയെ തള്ളിയിട്ട ശേഷം മാല പൊട്ടിച്ചെടുത്ത് ഓടുകയായിരുന്നു. നാട്ടുകാര് പിന്നാലെയോടി ഇയാളെ പിടികൂടുകയായിരുന്നു.
ചോദ്യം ചെയ്തതോടെ ഈ സംഭവത്തിനു തൊട്ടുമുമ്പ് ഇതേ റോഡിന്റെ മറുഭാഗത്തു വച്ച് കല്യാണി (87) എന്ന സ്ത്രീയുടെ മാലയും പൊട്ടിച്ചതായി ഇയാള് സമ്മതിച്ചു. അതു മുക്കുപണ്ടമാണെന്നു കല്യാണി വിളിച്ചു പറഞ്ഞതിനാല് അജിത്ത് മറുവശത്തെത്തി ചിന്നമ്മയുടെ മാല പൊട്ടിക്കുകയായിരുന്നുവെന്നു പൊലീസ് പറഞ്ഞു. രണ്ട് മാലകളും പ്രതിയില് നിന്നു കണ്ടെത്തുകയും പ്രതിയെ റിമാന്ഡ് ചെയ്യുകയും ചെയ്തു.
https://www.facebook.com/Malayalivartha