എം വി ഗോവിന്ദന് പാര്ട്ടി സെക്രട്ടറി ആയ ഒഴിവില് ആര് മന്ത്രിയാകണമെന്ന് സി പി എം തീരുമാനം ഇന്ന്... രാവിലെ സെക്രട്ടേറിയറ്റ് യോഗം ചേരുന്നുണ്ടെങ്കിലും മുഖ്യമന്ത്രി കൊച്ചിയില് ആയതിനാല് തീരുമാനം ഉച്ചയ്ക്കു ശേഷം ഉണ്ടായേക്കും.....
എം വി ഗോവിന്ദന് പാര്ട്ടി സെക്രട്ടറി ആയ ഒഴിവില് ആര് മന്ത്രിയാകണമെന്ന് സി പി എം തീരുമാനം ഇന്ന്... രാവിലെ സെക്രട്ടേറിയറ്റ് യോഗം ചേരുന്നുണ്ടെങ്കിലും മുഖ്യമന്ത്രി കൊച്ചിയില് ആയതിനാല് തീരുമാനം ഉച്ചയ്ക്കു ശേഷം ഉണ്ടായേക്കും..... കൊച്ചിയില് പ്രധാനമന്ത്രിയുടെ പരിപാടിയില് പങ്കെടുക്കുന്ന മുഖ്യമന്ത്രി ഉച്ചയ്ക്കു തിരിച്ചെത്തും.
പുതിയ പാര്ട്ടി സെക്രട്ടറി എം.വി.ഗോവിന്ദന് ഇന്നോ നാളെയോ മന്ത്രിസ്ഥാനം രാജിവെച്ചേക്കും. കണ്ണൂരില് നിന്നുള്ള സംസ്ഥാന കമ്മിറ്റി അംഗം എ.എന്.ഷംസീര്, മറ്റു സംസ്ഥാന കമ്മിറ്റി അംഗങ്ങളായ കെ.വി.കുഞ്ഞമ്പു, പി.നന്ദകുമാര് തുടങ്ങിയവരുടെ പേരുകള് ആണ് ഉയര്ന്നു കേള്ക്കുന്നത്.
മുന് മന്ത്രിമാര്ക്ക് വീണ്ടും അവസരം നല്കേണ്ടെന്ന തീരുമാനം കെ കെ ശൈലജയ്ക്കായി മാറ്റാന് ഇടയില്ല. വകുപ്പുകളിലും മാറ്റം വന്നേക്കാം. സജി ചെറിയാന്റെ ഒഴിവ് ഉടന് നികത്തുമോ എന്നതിലും തീരുമാനമായിട്ടില്ല
അതേസമയം അനാരോഗ്യം മൂലം കോടിയേരിക്ക് ചുമതല നിര്വഹിക്കാനായി കഴിയാത്ത സാഹചര്യത്തിലാണ് എം.വി.ഗോവിന്ദന് സിപിഎം സംസ്ഥാന സെക്രട്ടറിയായെത്തുന്നത്.
സംഘടനപരമായ നിലപാടില് ഉറച്ച് മുന്നോട്ടുപോകാനാണ് ഉദ്ദേശിക്കുന്നതെന്നാണ് തീരുമാനം പ്രഖ്യാപിച്ചതിന് പിന്നാലെ എം.വി.ഗോവിന്ദന് മാധ്യമങ്ങളോട് പ്രതികരിച്ചത്. ചുമതല ഏല്പ്പിച്ചത് പാര്ട്ടിയാണ്. പല ഘട്ടങ്ങളിലും പല ചുമതലകളും പാര്ട്ടി ഏല്പ്പിച്ചിട്ടുണ്ട്. പരമാവധി എല്ലാവരേയും ചേര്ത്ത് മുന്നോട്ടു പോകുമെന്നും അദ്ദേഹം വ്യക്തമാക്കിയിട്ടുണ്ട്.
ജനറല് സെക്രട്ടറി സീതാറാം യെച്ചൂരി, പിബി അംഗം പ്രകാശ് കാരാട്ട്, മുഖ്യമന്ത്രി പിണറായി വിജയന്, പിബി അംഗങ്ങളായ എ.വിജയരാഘവന്, എം.എ.ബേബി എന്നിവര് പങ്കെടുത്ത സംസ്ഥാന സമിതി യോഗമാണ് എം.വി.ഗോവിന്ദനെ തെരഞ്ഞെടുക്കാനുള്ള തീരുമാനമെടുത്തത്.
"
https://www.facebook.com/Malayalivartha
