കൊച്ചി മെട്രോ രണ്ടാം ഘട്ടം പ്രധാനമന്ത്രി പ്രഖ്യാപിച്ചതോടെ സ്ഥലമേറ്റെടുപ്പും വൈകാതെ തുടങ്ങിയേക്കും...
കൊച്ചി മെട്രോ രണ്ടാം ഘട്ടം പ്രധാനമന്ത്രി പ്രഖ്യാപിച്ചതോടെ സ്ഥലമേറ്റെടുപ്പും വൈകാതെ തുടങ്ങിയേക്കും... കലൂര് കാക്കനാട് പാതയിലെ മുടങ്ങി കിടക്കുന്ന സ്ഥലമേറ്റെടുപ്പും വൈകാതെ ആരംഭിക്കും.
പണമില്ലാത്തതിനാല് നാലില് രണ്ട് വില്ലേജുകളിലെ ഭൂമി മാത്രമാണ് നിലവില് സംസ്ഥാന സര്ക്കാര് ഏറ്റെടുത്തി്ട്ടുള്ളത്. പദ്ധതി തുടങ്ങാനായി വൈകിയതിനാല് പ്രഖ്യാപിച്ചിരിക്കുന്ന നിര്മ്മാണ ചെലവിനേക്കാള് ഇനി ചെലവ് എത്രകൂടുമെന്ന് കണ്ടറിയാം.
കൊച്ചി മെട്രോ പ്രഖ്യാപിച്ചപ്പോള് തന്നെ രണ്ടാം ഘട്ടത്തിനും അംഗീകാരം കിട്ടിയിരുന്നെങ്കിലും കേന്ദ്ര ക്യാബിനറ്റ് അനുമതി നല്കാത്തതാണ് കഴിഞ്ഞ അഞ്ച് വര്ഷക്കാലം തിരിച്ചടിയായി തീര്ന്നത്. വൈകിയെങ്കിലും പ്രധാനമന്ത്രി നേരിട്ട് കൊച്ചിയിലെത്തി ഏവരും കാത്തിരുന്ന ആ പ്രഖ്യാപനം നടത്തി. കലൂര് മുതല് കാക്കനാട് വരെ.11.2 കിലോമീറ്റര് മെട്രോ പാത. കൊച്ചി മെട്രോ കമ്പനി തന്നെ നേരിട്ട് നിര്മ്മാണം നടത്തും. 11 സ്റ്റേഷനുകള് അതും 1950 കോടി ചെലവില്. പദ്ധതി വൈകിയത് ഈ തുകയില് വലിയ മാറ്റങ്ങളുണ്ടാക്കുമെന്ന് തീര്ച്ചയാണ്.
കേന്ദ്രവും സംസ്ഥാനവും ചെലവ് പങ്കിടുന്ന പദ്ധതിക്കായി തുക അനുവദിക്കുന്നത് വൈകുമോയെന്നാണ് ഇനിയുള്ള ആശങ്ക. പദ്ധതി പൂര്ത്തിയാക്കാനായി എത്ര സമയമെടുക്കുമെന്നതും വ്യക്തമാക്കാനുണ്ട്. സംസ്ഥാനം സ്ഥലമേറ്റെടുക്കല് തുടങ്ങിയെങ്കിലും പണമില്ലാത്തതിനാല് ഏറ്റെടുക്കാനുള്ള നാല് വില്ലേജുകളില് രണ്ടെണ്ണത്തിന്റെ മാത്രമാണ് ഭൂമി ഇത് വരെ കൈമാറിയിട്ടുള്ളത്.
കാക്കനാട് ,ഇടപ്പള്ളി സൗത്ത് വില്ലേജിലെ 2.51 ഭൂമി ജില്ല ഭരണകൂടം ഏറ്റെടുത്ത് മെട്രോ കമ്പനിക്ക് കൈമാറി.226 ഭൂഉടമകള്ക്കായി 132 കോടി രൂപ നല്കുകയും ചെയ്തു. പൂണിത്തുറ,വാഴക്കാല വില്ലേജുകളിലെ സ്ഥലമേറ്റെടുക്കലാണ് ഇനി ബാക്കിയുള്ളത്. കടയുടകള്ക്കും,വാടകക്കാര്ക്കുള്ള പുനരധിവാസ പാക്കേജ് അനുവദിക്കുന്നതിലും ഇനി വേഗം കൂട്ടേണ്ടതുണ്ട്.
അര ലക്ഷത്തിലധികം ജീവനക്കാര് ഉള്ള ഇന്ഫോപാര്ക്കില് മെട്രോ എത്തിയാല് യാത്രക്കാരുടെ എണ്ണത്തില് വലിയ കുതിച്ച് ചാട്ടമാണ് പ്രതീക്ഷിക്കുന്നു. എസ് എന് ജംഗ്ഷന് വരെ നിലവിലിപ്പോള് 24 സ്റ്റേഷനുകളിലായി ആലുവ തുടങ്ങി കൊച്ചി നഗരം ചുറ്റി 27 കിലോമീറ്ററാണ് മെട്രോ ഓടിയെത്തിക്കൊണ്ടിരിക്കുന്നത്.
https://www.facebook.com/Malayalivartha