വ്യവസായിയെ ഹണിട്രാപ്പിൽ കുടുക്കിയ കേസിലെ പ്രതികളായ റീൽസ് ദമ്പതികളെ എയറിൽ നിർത്തി സോഷ്യൽ മീഡിയ. ഹണിട്രാപ്പ് തട്ടിപ്പിൽ പ്രതികളായ ദേവുവിനും ഗോകുൽ ദീപിനും കരുത്തായത് സമൂഹമാധ്യമങ്ങളിലെ സ്വീകാര്യത. ആർഭാട ജീവിതം നയിക്കുന്നതിന് വേണ്ടിയാണ് ഇവർ ഇത്തരത്തിലുള്ള തട്ടിപ്പുകളിലേക്ക് നീങ്ങിയതെന്ന് പോലീസ് പറഞ്ഞിരുന്നു. തങ്ങളുടെ സ്വകാര്യ ജീവിതം അടക്കം ഇവർ ഇൻസ്റ്റാഗ്രാം അക്കൗണ്ടിലൂടെ പങ്കുവച്ചിരുന്നു. ആരാധകരുമായി സംവദിക്കുന്നതിലും ഇരുവരും പ്രാഗൽഭ്യം തെളിയിച്ചിരുന്നു. തങ്ങളുടെ സ്വകാര്യ പ്രശ്നങ്ങളും കാര്യങ്ങളും വരെ പങ്കുവച്ചിരുന്നു.

തന്റെ ശരീര സൗന്ദര്യത്തിന്റെ കാര്യങ്ങളും ഗർഭകാലത്തേക്കുറിച്ചും അടക്കം തങ്ങളുടെ സബ്സ്ക്രൈബേഴ്സിനോട് ഇരുവരും പങ്കുവച്ചിരുന്നു. യൂട്യൂബിലെ ക്യൂ ആൻ്റ് എ പംക്തിയിൽ തന്റെ പ്രണയത്തേക്കുറിച്ച് പറയുവാൻ പറയുന്നവരോട് ഗോകുൽ ദീപ് പറയുന്നത് ഇങ്ങനെ. "ആള് ആളുടെ ജീവിതവുമായി മുന്നോട്ട് പോയി. ഞാൻ എന്റെ ലൈഫുമായി മുന്നോട്ടുപോയി. ആളും ഹാപ്പിയാണ്, ഞാനും എന്റെ ലൈഫിൽ ഞാൻ വിചാരിച്ചതിലും ഹാപ്പിയാണ്. സോ അത് അവിടെ കഴിഞ്ഞു. പാസ്റ്റിനേക്കുറിച്ച് പറഞ്ഞിട്ട് കാര്യമില്ല, പാസ്റ്റിൽ ജീവിക്കാൻ തുടങ്ങിയാൽ പാസ്റ്റിലേ ജീവിക്കു. പാസ്റ്റിൽ നിന്നും മൂവോൺ ആയിക്കഴിഞ്ഞാൽ ഒരു ഗുഡ് വൈബ് ഉണ്ടാകും. അതല്ല എന്റെ ലൗ സ്റ്റോറി അറിയണമെന്നുണ്ടെങ്കിൽ ഡിഎം ചെയ്യാം." എന്നും ആരാധകനോട് ഗോകുൽ പറയുന്നുണ്ട്.

അമ്മയാൻ പദ്ധതിയുണ്ടോ എന്നായിരുന്നു മറ്റൊരു ആരാധികയുടെ ചോദ്യത്തിന് ദേവുവിന്റെ മറുപടി ഇങ്ങനെയായിരുന്നു "ബേബി പ്ലാൻ ഇപ്പോൾ ഉണ്ടോ എന്ന് ചോദിച്ചാൽ ഉണ്ട് ഇല്ലേ എന്ന് ചോദിച്ചാൽ ഇല്ല. ദൈവം തരുന്നത് പോലെ, പ്രതീക്ഷിക്കുന്നില്ല, പ്രതീക്ഷിക്കുന്നത് ഒന്നും നടക്കുന്നില്ല അതുകൊണ്ട്." ഡയറ്റ് ചെയ്യാറുണ്ടോ എന്ന ചോദ്യത്തിന് കല്യാണം കഴിഞ്ഞപ്പോഴല്ല വണ്ണം വച്ചത് എന്നും വിവാഹ ശേഷം ഗർഭിണി ആയിരുന്നു ആസമയത്ത് വണ്ണം വച്ചതാണ്. പിന്നെ ഗർഭം അലസിയതോടെ ചില പ്രശ്നങ്ങളുണ്ടായപ്പോഴേക്കും വണ്ണം വച്ചതാണ്. ഡയറ്റ് ഇപ്പോൾ ചെയ്യുന്നില്ല. ഡയറ്റ് ചെയ്യാൻ പ്ലാൻ ചെയ്യും പക്ഷെ നടക്കില്ല. ഇങ്ങനെ ഉള്ളതിൽ താൻ സംതൃപ്തയാണെന്നും അവർ പറയുന്നു.

ജോലി എന്താണെന്ന മറ്റൊരു ചോദ്യത്തിൽ "ഞാൻ പഠിച്ചത് ഏവിയേഷനാണ്. തിരുവനന്തപുരം എയർപോർട്ടിൽ തന്നെ രണ്ട് കമ്പനികളിൽ ഞാൻ വർക്ക് ചെയ്തിട്ടുണ്ട്. അതിന് പുറമെ നാല് കോളേജുകളിൽ ജോലി ചെയ്തിട്ടുണ്ട്. ഓഫീസ് സ്റ്റാഫ് ആയി വർക്ക് ചെയ്തിട്ടുണ്ട്, അഡ്മിനിസ്ട്രേഷൻ ആയി വർക്ക് ചെയ്തിട്ടുണ്ട്. വിവാഹത്തിന് ശേഷം ജോലിക്ക് ശ്രമിച്ചിട്ടില്ല". ചെയ്യണം എന്നും ദേവു പറയുന്നുണ്ട്. താൻ നിരവധി ജോലി ചെയ്തിട്ടുണ്ടെന്നും ഇപ്പോൾ റിയൽ എസ്ററ്റേറ്റ് മേഖലയിലാണ് ജോലി ചെയ്യുന്നത്. എന്ന് ഗോകുൽ പറയുന്നു. കഴിഞ്ഞ സെപ്റ്റംബർ 12ന് ആയിരുന്നു കണ്ണൂര്‍ സ്വദേശി ഗോകുല്‍ ദീപിന്റെയും കൊല്ലം സ്വദേശിയായ ദേവുവിന്റെയും വീട്ടുകാരുടെ സമ്മതത്തോടെയുള്ള പ്രണയ വിവാഹം നടന്നത്. ദേവുവിന്റെ അമ്മ ദുബായിൽ മെസ് നടത്തുകയാണ്. 101 പവൻ നൽകി ആഢംബരമായാണ് വിവാഹം നടത്തിയത്. പതിനൊന്നര പവന്റെ താലിമാല അണിയിച്ച ഗോകുലിന്റെ വീഡിയോ സോഷ്യൽ മീഡിയയിൽ വൈറലായിരുന്നു.

വിവാഹ ശേഷമാണ് തന്റെ ജീവിതത്തിൽ മാറ്റം വന്നതെന്ന് ദേവു പങ്കുവച്ചിരുന്ന വീഡിയോകളിൽ പറഞ്ഞിരുന്നു. സ്ലീവ്‌ലെസ് ഉൾപ്പടെ ആഗ്രഹിച്ച മോഡേൺ വസ്ത്രങ്ങൾ ധരിക്കാനും, യാത്രകളും ഒക്കെ നടത്താനും ആയെന്ന് ദേവു പറഞ്ഞിരുന്നു. തന്റെ എന്ത് ആഗ്രഹത്തിനും ഒപ്പം നിൽക്കുന്ന ഭർത്താവാണ് ഗോകുലെന്നും കുറിപ്പ് പങ്കുവച്ചിരുന്നു. ഈ മാസം ഒന്നാം വിവാഹ വാർഷികം ആഘോഷിക്കാനിരിക്കെയാണ് തട്ടിപ്പ് കേസിൽ ദമ്പതികൾ അകത്തായത്.