സ്കൂൾ ബസിൽ നിന്ന് എൽ ക്കെ ജി വിദ്യാർത്ഥിനി തെറിച്ചുവീണു. തുടർന്ന് റോഡിൽ വീണ കുട്ടി തലനാരിഴയ്ക്കാണ് രക്ഷപ്പെട്ടത്. ആലുവ സ്വദേശിനി ഫൈലസയാണ് അപകടത്തിൽപ്പെട്ടത്. ആലുവ വഴുങ്ങാട്ടുശ്ശേരി അൽഹിന്ദ് സ്കൂളിന്റെ ബസിലാണ് അപകടം നടന്നത്.

മാത്രമല്ല ബസിന്റെ എമർജൻസി വാതിൽ വഴിയാണ് കുട്ടി പുറത്തേക്ക് വീണത്. എന്നാൽ പിന്നാലെ വന്ന ബസ് ബ്രേക്കിട്ടു. നാട്ടുകാർ സമയോചിതമായി ഇടപെടുകയും പിന്നാലെ വന്ന ബസ് നിർത്തിച്ചതിനാലാൽ ദുരന്തം ഒഴിവാകുകയും ആയിരുന്നു.

അതേസമയം കുട്ടി ബസില്‍ നിന്ന് വീണത് ആദ്യം ആരും അറിഞ്ഞിരുന്നില്ല. മാത്രമല്ല റോഡില്‍ വീണ കുട്ടിയുടെ നടുവിന് പരിക്കേറ്റു, ശരീരമാസകലം ചതവുമുണ്ട്. അതോടൊപ്പം തന്നെ പരിക്കേറ്റ കുട്ടിയെ സ്കൂൾ അധികൃതർ ആശുപത്രിയിൽ പ്രവേശിച്ചില്ലെന്ന ആരോപണവും ഉയരുന്നുണ്ട്. ഇതേതുടർന്ന് ഇതിനെതിരെ നിയമ നടപടിയിലേക്ക് പോകാനാണ് കുട്ടിയുടെ കുടുംബത്തിന്‍റെ തീരുമാനം. സംഭവത്തിന്‍റെ സിസിടിവി ദൃശ്യങ്ങള്‍ പുറത്ത് വന്നു.