നാല്‍പത്തി മൂന്നാം വിവാഹ വാര്‍ഷികത്തിന്റെ നിറവില്‍ മുഖ്യമന്ത്രി പിണറായി വിജയനും ഭാര്യ കമലയും. ഒരുമിച്ചുള്ള ചിത്രം ഇൻസ്റ്റഗ്രാമിൽ പങ്കുവച്ചുകൊണ്ട് മുഖ്യമന്ത്രി തന്നെയാണ് ഇക്കാര്യം അറിയിച്ചത്. ഇന്ന് ഞങ്ങളുടെ നാൽപ്പത്തിമൂന്നാം വിവാഹ വാർഷികം എന്ന അടിക്കുറിപ്പോടെയാണ് മുഖ്യമന്ത്രി ഫോട്ടോ പങ്കുവെച്ചത്.

നിരവധി ആളുകളാണ് ഇതിനകം മുഖ്യമന്ത്രിയുടെ പോസ്റ്റിന് കീഴെ ആശംസകള്‍ അറിയിച്ചിട്ടുളളത്.ഇരുവർക്കും സംവിധായകൻ ആഷിഖ് അബുവും ആശംസകളറിയിച്ചു.

1979 സെപ്തംബര്‍ രണ്ടിനായിരുന്നു പിണറായി വിജയനും തൈക്കണ്ടിയില്‍ കമലയും തമ്മിലുള്ള വിവാഹം. വിവാഹിതനാകുമ്പോള്‍ കൂത്തുപറമ്പ് എംഎല്‍എയും കണ്ണൂര്‍ ജില്ലാ സെക്രട്ടേറിയറ്റ് അംഗവുമായിരുന്നു പിണറായി വിജയന്‍. തലശ്ശേരി ടൗണ്‍ഹാളില്‍ വച്ച് നടന്ന വിവാഹ ചടങ്ങില്‍ ചടയന്‍ ഗോവിന്ദന്‍ തുടങ്ങിയ പ്രമുഖ നേതാക്കളും പങ്കെടുത്തിരുന്നു.