കായംകുളത്ത് കു​പ്ര​സി​ദ്ധ ഗു​ണ്ട​യെ കാ​പ്പാ നി​യ​മ​പ്ര​കാ​രം അ​റ​സ്റ്റ് ചെ​യ്ത് ക​രു​ത​ൽ ത​ട​ങ്ക​ലി​ലാ​ക്കി. കാ​യം​കു​ളം പെ​രി​ങ്ങാ​ല ദേ​ശ​ത്തി​ന​കം ക​ണ്ടി​ശേ​രി പ​ടീ​റ്റ​തി​ൽ വീ​ട്ടി​ൽനി​ന്നും ദേ​ശ​ത്തി​ന​കം ശ്യാ​മ​ള മ​ൻ​സി​ലി​ൽ വാ​ട​ക​യ്ക്ക് താ​മ​സി​ക്കു​ന്ന മാ​ളു എ​ന്ന് വി​ളി​ക്കു​ന്ന അ​ൻ​സാ​ഫി​നെ​യാ​ണ് അ​റ​സ്റ്റ് ചെ​യ്തത്. ഇയാളെ തി​രു​വ​ന​ന്ത​പു​രം സെ​ൻ​ട്ര​ൽ ജ​യി​ലി​ലാണ് അടച്ചത്.

അതേസമയം കു​പ്ര​സി​ദ്ധ ഗു​ണ്ട​യാ​യ ഇ​യാ​ളെ 2017-ലും 2019-ലും ക​രു​ത​ൽ ത​ട​ങ്ക​ലി​ലാ​ക്കി​യി​രു​ന്നു. തുടർന്ന് 2020-ൽ ​ഇ​യാ​ളെ ജി​ല്ല​യി​ൽ നി​ന്നു കാ​പ്പാ നി​യ​മ​പ്ര​കാ​രം നാ​ടു ക​ട​ത്തി​യി​രു​ന്നെ​ങ്കി​ലും ഇ​ത് ലം​ഘി​ക്കുകയായിരുന്നു. ഇയാൾക്കെതിരെ ത​മി​ഴ്നാ​ട് പെ​രും​തു​റൈ പൊ​ലീ​സ് സ്റ്റേ​ഷ​ൻ പ​രി​ധി​യി​ലും ആ​ലു​വ വെ​സ്റ്റ് പൊലീ​സ് സ്റ്റേ​ഷ​ൻ പ​രി​ധി​യി​ലും കേസുകളുണ്ട്. ഇവിടെയെല്ലാം പ​ണ​ത്തി​നാ​യി ആ​ളു​ക​ളെ ത​ട്ടി​ക്കൊ​ണ്ടു പോ​ക​ൽ ഉ​ൾ​പ്പെ​ടെ​യു​ള്ള കേ​സി​ലും കാ​യം​കു​ളം പൊ​ലീ​സ് സ്റ്റേ​ഷ​ൻ പ​രി​ധി​യി​ൽ കൊ​ല​പാ​ത​ക ശ്ര​മം ഉ​ൾ​പ്പെ​ടെ​യു​ള്ള കേ​സി​ലും ഇ​യാ​ൾ പ്ര​തി​യാ​യി​ട്ടു​ള്ള​താ​ണ​ന്ന് പൊ​ലീ​സ് പ​റ​ഞ്ഞു.

മാത്രമല്ല ജി​ല്ലാ പൊ​ലീ​സ് മേ​ധാ​വി ജെ. ​ജയ്ദേ​വ് ന​ൽ​കി​യ ശിപാ​ർ​ശ അം​ഗീ​ക​രി​ച്ചാ​ണ് ജി​ല്ലാ ക​ള​ക്ട​ർ വി.​ആ​ർ.​ കൃ​ഷ്ണ തേ​ജ ഐ​എ​എ​സ് മാ​ളു​വി​നെ​തി​രെ ഒ​രു വ​ർ​ഷ​ക്കാ​ല​ത്തേ​ക്ക് ക​രു​ത​ൽ ത​ട​ങ്ക​ൽ ഉ​ത്ത​ര​വ് പു​റ​പ്പെ​ടു​വി​ച്ച​ത്. കാ​യം​കു​ളം ഡി​വൈ​എ​സ്പി അ​ല​ക്സ് ബേ​ബി​യു​ടെ മേ​ൽ​നോ​ട്ട​ത്തി​ൽ സി​ഐ മു​ഹ​മ്മ​ദ് ഷാ​ഫി, എ​സ്ഐ ശ്രീ​കു​മാ​ർ, പൊ​ലീ​സു​കാ​രാ​യ ദീ​പ​ക്, വി​ഷ്ണു, രാ​ജേ​ന്ദ്ര​ൻ, സു​നി​ൽ​കു​മാ​ർ, ബി​ജു​രാ​ജ്, അ​നീ​ഷ് എ​ന്നി​വ​രാ​ണ് മാ​ളു​വി​നെ അ​റ​സ്റ്റ് ചെ​യ്ത​ത്.