ആറാം ക്ലാസുകാരിയുടെ മുടി മുറിച്ചതായി പരാതി. കൊല്ലം നഗരത്തിലെ സ്കൂളിലെ പത്താം ക്ലാസ് വിദ്യാർഥിനികൾക്കെതിരെയാണ് പരാതി ഉന്നയിച്ചിരിക്കുന്നത്. മുതിര്‍ന്ന പെണ്‍കുട്ടികള്‍ ചേർന്നു മുടി മുറിച്ചെന്നാണ് പരാതി. ഈ പെൺകുട്ടികൾ പുക വലിക്കുന്നത് ആറു വയസ്സുകാരി കണ്ടു. ഇതിന്റെ പേരിലാണ് മുതിര്‍ന്ന പെണ്‍കുട്ടികള്‍ ചേർന്നു മുടി മുറിച്ചത്.കൊല്ലത്തെ പ്രധാന ഗേൾസ് സ്കൂളിലെ ശുചിമുറിയില്‍ ആറു പെണ്‍കുട്ടികളാണ് ഒരു സിഗരറ്റ് മാറി മാറി വലിച്ചത്.

ഓണപരിപാടി നടന്ന ദിവസം ബാത്റൂമിൽ പോയപ്പോൾ മുതിർന്ന കുട്ടികൾ നിന്ന് സിഗരറ്റ് വലിക്കുന്നത് കണ്ടു. ഇതു കണ്ട് കുട്ടി തിരിച്ചോടി. അപ്പോൾ പെൺകുട്ടികൾ ഓടിച്ചിട്ട് പിടിച്ച് പുറകിലേക്കു കൊണ്ടുപോയി ക്ലാസിൽ പോയി കത്രിക എടുത്തുകൊണ്ടു വന്ന് മുടി വെട്ടുകയായിരുന്നു. എന്നാണ് ആറാം ക്ലാസ്സുകാരി പരാതി പറഞ്ഞിരിക്കുന്നത്. വയറ്റിലൊക്കെ അവർ കുറേ ഇടിച്ചുവെന്നും കുട്ടി പറഞ്ഞു. ഇത് ആരോടെങ്കിലും പറഞ്ഞാൽ കൊല്ലുമെന്ന ഭീഷണിയും അവർ ഉയർത്തിയെന്നും കുട്ടി വെളിപ്പെടുത്തി.

ഒന്നും പുറത്തു പറയരുതെന്ന ഭീഷണി ഉയർത്തിയാണ് ആറാം ക്ലാസുകാരിയുടെ ഇടതുവശത്തെ തലമുടി കത്രിക കൊണ്ട് മുറിച്ച് കളഞ്ഞത്. ഇത്തരത്തിൽ സംഭവങ്ങൾ നടന്നിട്ടുണ്ടെങ്കില്‍ നടപടിയെടുക്കുമെന്ന് സ്കൂള്‍ അധികൃതര്‍ പറഞ്ഞിരിക്കുകയാണ്. അന്വേഷണത്തിന്റെ ഭാഗമെന്നോണം ജില്ലാ ശിശു സംരക്ഷണ സമിതി കുട്ടികള്‍ക്ക് കൗണ്‍സിലിങ് കൊടുക്കുകയും ചെയ്തു.