കൊച്ചി മെട്രോയുടെ രണ്ടാം ഘട്ടത്തിന് ഉള്ള അനുമതി നൽകിയ വിഷയത്തിൽ പ്രധാനമന്ത്രിക്ക് നന്ദിയും ഓണാശംസകളും നേർന്ന് നടൻ ഹരീഷ് പേരടി രംഗത്ത് വന്നിരിക്കുകയാണ്. പദ്ധതിയ്‌ക്ക് അനുമതി നൽകിയ പ്രധാനമന്ത്രിയ്‌ക്ക് ഹൃദയം നിറഞ്ഞ നന്ദിയാണ് ഹരീഷ് പേരടി അറിയിച്ചിരിക്കുന്നത്. വികസനത്തിന് ഒപ്പം നിൽക്കുന്ന പ്രധാനമന്ത്രിയ്‌ക്ക് അദ്ദേഹം ഓണാശംസയും നേർന്നു.

അദ്ദേഹം ഫേസ്ബുക്കിൽ പങ്കു കുറുപ്പിന്റെ പൂർണ രൂപം ഇങ്ങനെ : മോദിജീ ഞാൻ കാക്കനാടാണ് താമസിക്കുന്നത്... മെട്രോയുടെ രണ്ടാഘട്ട വികസനം എന്റെ വീട്ടിനടുത്തേക്ക് എത്തുന്നു എന്നറിയുന്നതിൽ വ്യക്തിപരമായി നിറഞ്ഞ സന്തോഷം..കേരളത്തിന്റെ വികസനത്തിന് അനുമതി നൽകിയതിൽ ഫണ്ട് അനുവദിച്ചതിൽ ഒരു മലയാളി എന്ന നിലക്ക് ഹൃദയം നിറഞ്ഞ നന്ദി...

ഇങ്ങിനെയാണെങ്കിൽ ഒരു ഇടനിലക്കാരുമില്ലാതെ കേരളം നിങ്ങൾക്ക് നേരിട്ട് കൈ തരും...കേരളത്തിന് ജാതിയും മതവുമില്ലാത്ത വികസനമാണാവിശ്യം..മോദിജീ ഹൃദയം നിറഞ്ഞ ഓണാശംസകൾ എന്ന് പറഞ്ഞാണ് ഹരീഷ് പേരടി ഫേസ്ബുക്ക് കുറിപ്പ് അവസാനിപ്പിച്ചിരിക്കുന്നത്.