അന്തരിച്ച എലിസബത്ത് രാജ്ഞിയോടുള്ള ആദര സൂചകമായി ഇന്ന് സംസ്ഥാനത്ത് ദുഃഖാചരണം പ്രഖ്യാപിച്ചു..... ദേശീയപതാക പതിവായി ഉയര്ത്തുന്ന സ്ഥലങ്ങളില് പകുതി താഴ്ത്തിക്കെട്ടും..... ഔദ്യോഗിക വിനോദ പരിപാടികളൊന്നുമുണ്ടാകില്ല
അന്തരിച്ച എലിസബത്ത് രാജ്ഞിയോടുള്ള ആദര സൂചകമായി ഇന്ന് സംസ്ഥാനത്ത് ദുഃഖാചരണം പ്രഖ്യാപിച്ചു..... ദേശീയപതാക പതിവായി ഉയര്ത്തുന്ന സ്ഥലങ്ങളില് പകുതി താഴ്ത്തിക്കെട്ടും..... ഔദ്യോഗിക വിനോദ പരിപാടികളൊന്നുമുണ്ടാകില്ല. മുമ്പ് ആരംഭിച്ചതും നടന്നു കൊണ്ടിരിക്കുന്നതുമായ ഓണാഘോഷ പരിപാടികള് തുടരാനാണ് നിര്ദ്ദേശം .
പുതിയ പരിപാടികള് ഉള്പ്പെടുത്താന് പാടില്ല. സംസ്ഥാന മന്ത്രിമാരും ജന പ്രതിനിധികളും ഉദ്യോഗസ്ഥരും ഔദ്യോഗിക പരിപാടികളില് പങ്കെടുക്കാന് പാടില്ലെന്നും നിര്ദ്ദേശമുണ്ട്. അതേസമയം, തൃശ്ശൂരിലെ പുലിക്കളി ഇന്ന് തന്നെ നടക്കും.
അതേസമയം ബ്രിട്ടീഷ് രാജാവായി ചാള്സ് മൂന്നാമന് അധികാരമേറ്റു. ഇന്നലെ സെപ്റ്റംബര് 10ന് ബ്രിട്ടണിലെ സെന്റ് ജെയിംസ് കൊട്ടാരത്തില് വച്ചാണ് ചടങ്ങുകള് നടന്നത്. മുതിര്ന്ന രാഷ്ട്രീയനേതാക്കള്, ജഡ്ജിമാര്, ഉദ്യോഗസ്ഥര് എന്നിവരടങ്ങിയ അക്സഷന് കൗണ്സിലാണ് പ്രിന്സ് മൂന്നാമനെ രാജാവായി പ്രഖ്യാപിച്ചത്.
ക്ഷണിക്കപ്പെട്ട ഇരുന്നൂറോളം വിശിഷ്ടാതിഥികള് മാത്രമാണ് ചടങ്ങില് പങ്കെടുത്തത്. ചരിത്രത്തിലാദ്യമായി രാജാവിനെ പ്രഖ്യാപിക്കുന്ന ചടങ്ങ് ടെലിവിഷനിലൂടെ സംപ്രേഷണം ചെയ്തു. സ്ഥാനാരോഹണം നടന്നാലും ഔദ്യോഗിക ചടങ്ങുകള് എലിസബത്ത് രാജ്ഞിയുടെ മരണത്തിന്റെ ദുഃഖാചരണം കഴിഞ്ഞതിന് ശേഷം മാത്രമേ ഉണ്ടാകുകയുള്ളൂ. രാജ്ഞി മരിച്ചതിനെ തുടര്ന്ന് പകുതി താഴ്ത്തിയ പതാക പുതിയ രാജാവിന്റെ സ്ഥാനാരോഹണത്തിന്റെ ഭാഗമായി ഒരു മണിക്കൂര് നേരം ഉയര്ത്തും. രാജ്ഞിയുടെ സംസ്കാരം കഴിഞ്ഞ് ഏഴു ദിവസം വരെയാണ് ദുഃഖാചരണം.
സെപ്തംബര് എട്ടിനാണ് എലിസബത്ത് രാജ്ഞി (96) അന്തരിച്ചത്. സ്കോട്ടലാന്ഡിലെ ബാലമൊറാല് കൊട്ടരത്തില് വെച്ചായിരുന്നു അന്ത്യം. പ്രത്യേക വാര്ത്താക്കുറിപ്പിലൂടെയാണ് ബക്കിങ്ഹാം കൊട്ടാരം രാജ്ഞിയുടെ മരണവാര്ത്ത അറിയിച്ചത്. എലിബസബത്ത് രാജ്ഞിയുടെ സംസ്കാരച്ചടങ്ങുകള് 19ന് നടക്കുമെന്നാണ് സൂചനകള്.
https://www.facebook.com/Malayalivartha
