നിറ കണ്ണുകളോടെ ഉറ്റവര്‍..... തന്റെ പൊന്നോമനയെ കാണാനായ അവധിക്കെത്തിയ മര്‍ച്ചന്റ് നേവി ഉദ്യോഗസ്ഥന് വാഹനാപകടത്തില്‍ ദാരുണാന്ത്യം.
മരുതംകുഴി മധുമലര്‍ വീട്ടില്‍ അരുണ്‍ പി.നായരാണ് (35) മരിച്ചത്. വെള്ളിയാഴ്ച പുലര്‍ച്ചെ നാലരയോടെ മരുതംകുഴി പുതിയ പാലത്തിന് സമീപമായിരുന്നു അപകടം ഉണ്ടായത്. അരുണ്‍ സഞ്ചരിച്ച ബൈക്ക് ലോറിയുമായി കൂട്ടിയിടിക്കുകയായിരുന്നു.

ഭാര്യ ദീപയുടെ പ്രസവത്തോടനുബന്ധിച്ചാണ് അരുണ്‍ നാട്ടിലെത്തിയത്. 17 ദിവസം മുമ്പായിരുന്നു കുഞ്ഞ് ജനിച്ചത്. ജോലി സംബന്ധമായ ആവശ്യത്തിന് തിരിച്ച് എറണാകുളത്തേക്ക് പോകുമ്പാഴായിരുന്നു അപകടം ഉണ്ടായത്.


ദീപ ജനറല്‍ ഹോസ്പിറ്റലിലെ റേഡിയോളജിസ്റ്റാണ്. അച്ഛന്‍:പരേതനായ പുരുഷോത്തമന്‍ നായര്‍, അമ്മ: ഗീതകുമാരി, മകന്‍: ദേവസൂര്യ.