കോട്ടയത്ത് വയോധികയെ കൊലപ്പെടുത്താന്‍ ശ്രമിച്ച കേസില്‍ അയല്‍വാസി അറസ്റ്റില്‍. അകലക്കുന്നം വാഴപ്പള്ളി മോര്‍ക്കുളങ്ങര പുതുപ്പറമ്പില്‍ ഗിരീഷ് വിജയനെയാണ് (ഗിരി -49) പള്ളിക്കത്തോട് പൊലീസ് അറസ്റ്റ് ചെയ്തത്.

വീടിന് സമീപത്ത് താമസിച്ച തങ്കമ്മയെ (73) ഇയാള്‍ അക്രമിക്കുകയായിരുന്നു. ഒറ്റക്ക് താമസിച്ച തങ്കമ്മയുടെ വീട്ടില്‍ അതിക്രമിച്ചുകയറിയ ഇയാള്‍ ആയുധം ഉപയോഗിച്ച് തലയിലും നെറ്റിയിലും ഇടിക്കുകയും ചെയ്തു. ബഹളം കേട്ട് അയല്‍വാസികള്‍ ഓടിയെത്തിയപ്പോള്‍ ഇയാള്‍ രക്ഷപ്പെട്ടു.

തുടര്‍ന്ന് അയല്‍വാസികള്‍ ചേര്‍ന്ന് വയോധികയെ ആശുപത്രിയിലെത്തിക്കുകയായിരുന്നു. പള്ളിക്കത്തോട് എസ്.എച്ച്.ഒ എസ്. പ്രദീപിന്റെ നേതൃത്വത്തിലുള്ള സംഘമാണ് ഇയാളെ അറസ്റ്റ് ചെയ്തത്.