പ​ശു​ക്ക​ട​വിൽ കാണാതായ യു​വാവിന്റെ മൃതദേഹം പുഴയിൽ നിന്നും കണ്ടെത്തി. കഴിഞ്ഞ ദിവസമായിരുന്നു കോഴിക്കോട് കുറ്റ്യാടി പ​ശു​ക്ക​ട​വിൽ നിന്നും പ​ശു​ക്ക​ട​വ് എ​ക്ക​ലി​ലെ അ​രി​യി​ൽ ഷി​ജു​വി​നെ കാണാതായത്. 40 വയസ്സായിരുന്നു ഷിജുവിന്. ഇ​ന്ന​ലെ ഉ​ച്ച​യ്ക്ക് ര​ണ്ട് മ​ണി​യോ​ടെ ഷിജുവിനെ കാ​ണാ​തായി. ഇന്ന് രാവിലെ നടത്തിയ അന്വേഷണത്തിൽ പുഴയിൽ മരിച്ച നിലയിൽ കണ്ടെത്തുകയായിരുന്നു.

ഇ​ന്ന​ലെ ഉ​ച്ച​യോ​ടെ ജോ​ലി ക​ഴി​ഞ്ഞ് മ​ട​ങ്ങി വരുന്ന വ​ഴി​യിൽ വച്ച് കാ​ണാ​താകുകയായിരുന്നു. ക​ട​ന്ത​റ പു​ഴ​യ്ക്ക് കു​റു​കെ പൂ​ഴി​തോ​ടി​നും എ​ക്ക​ലി​നും മദ്ധ്യത്തിലു​ള്ള തൂ​ക്ക് പാ​ല​ത്തി​ൽ ഇ​യാ​ളു​ടെ ചെ​രു​പ്പും തോ​ർ​ത്ത് മു​ണ്ടും ക​ണ്ട​താ​യി പ്ര​ദേ​ശ​വാ​സി​ക​ൾ പറഞ്ഞു.

ഇതോടെ ഷിജു പു​ഴ​യി​ൽ വീ​ണെ​ന്ന സം​ശ​യത്തിൽ നാ​ട്ടു​കാ​ർ തി​ര​ച്ചി​ൽ ന​ട​ത്തി. എന്നാൽ തിരച്ചിലിന് ക​ട​ന്ത​റ പുഴ​യി​ലെ ശ​ക്ത​മാ​യ വെ​ള്ളം ത​ട​സ്സം സൃഷ്ടിച്ചു. നാ​ദാ​പു​രം ചേ​ല​ക്കാ​ട് നി​ന്ന് എ​ത്തി​യ അ​ഗ്നി​ശ​മ​ന സേ​നാ​വി​ഭാ​ഗം ഇന്ന് തി​ര​ച്ചിൽ ശക്തമാക്കിയിരുന്നു. അപ്പോഴാണ് മൃതദേഹം കണ്ടത്. തെ​ങ്ങ് ക​യ​റ്റ തൊ​ഴി​ലാ​ളി​യാ​യിരുന്നു ഷിജു.