വിവിധ ആവശ്യങ്ങളുന്നയിച്ച് സംസ്ഥാനത്തെ പെട്രോള്‍ പമ്പുകള്‍ 23-ന് അടച്ചിടുമെന്ന് പെട്രോളിയം വ്യാപാരികള്‍ .

ഹിന്ദുസ്ഥാന്‍ പെട്രോളിയത്തിന്റെ ഔട്ട്‌ലെറ്റുകളിലെ ഇന്ധനക്ഷാമം പരിഹരിക്കുക, പ്രീമിയം പെട്രോളും ലൂബ്രിക്കന്റുകളും അടിച്ചേല്‍പ്പിക്കുന്നത് അവസാനിപ്പിക്കുക, ബാങ്ക് അവധി ദിവസങ്ങളിലും ഇന്ധനലഭ്യത ഉറപ്പാക്കുക എന്നീ ആവശ്യങ്ങള്‍ ഉന്നയിച്ചാണിത്. പത്രസമ്മേളനത്തിലാണ് ഇക്കാര്യം അറിയിച്ചത്. കോണ്‍ഫെഡറേഷന്‍ ഓഫ് കേരള പെട്രോളിയം ഡീലേഴ്‌സ് അസോസിയേഷന്റെ നേതൃത്വത്തിലാണ് സമരം നടത്തുക.

ഓഗസ്റ്റ് 13 മുതല്‍ പ്രതിദിനം 200 ലോഡോളം കുറവ് ഇന്ധനമാണ് ലഭിക്കുന്നതെന്ന് ഓള്‍ കേരള ഫെഡറേഷന്‍ ഓഫ് പെട്രോളിയം ട്രേഡേഴ്‌സ് സംസ്ഥാന പ്രസിഡന്റ് ടോമി തോമസ് പറഞ്ഞു.

ഓള്‍ കേരള ഫെഡറേഷന്‍ ഓഫ് പെട്രോളിയം ട്രേഡേഴ്‌സും കേരള സ്റ്റേറ്റ് പെട്രോളിയം ട്രേഡേഴ്‌സ് അസോസിയേഷനും സമരത്തിന്റെ ഭാഗമാകും. ഓള്‍ കേരള ഫെഡറേഷന്‍ ഓഫ് പെട്രോളിയം ട്രേഡേഴ്‌സ് തിരുവനന്തപുരം ജില്ലാ ഭാരവാഹികളായ എം.എസ്. പ്രസാദ്, പി.കെ. ബിജു, പ്രദീപ്, ഷിബു എന്നിവരും പങ്കെടുക്കുകയുണ്ടായി.