മാധ്യമപ്രവർത്തകൻ ഡി. സുദർശൻ കുമാർ (61) അന്തരിച്ചു. ഹൃദയസ്തംഭനത്തെ തുടർന്ന് തിരുവനന്തപുരം ശ്രീകാര്യത്തെ വസതിയിൽ ആയിരുന്നു അന്ത്യം. പ്രശസ്തനായ സ്പോർട്സ് ജേർണലിസ്റ്റ് ആണ്. ദീപിക ദിനപത്രത്തിന്റെ തിരുവനന്തപുരം ബ്യൂറോ ചീഫ് ആയി ദീർഘകാലം പ്രവർത്തിച്ചു.

മലയാളിവാർത്ത സ്പോർട്സ് എഡിറ്ററായി പ്രവർത്തിച്ച് വരികയായിരുന്നു. റിപ്പോർട്ടർ ടിവി, ജീവൻ ടിവി, മംഗളം ടിവി എന്നിവയിലും പ്രവർത്തിച്ചു. ഇന്ത്യാവിഷൻ്റെ സ്പോർട്സ് എഡിറ്റർ ആയിരുന്നു. നിരവധി സ്പോർട്സ് മീറ്റുകൾ റിപ്പോർട്ട് ചെയ്ത അദ്ദേഹത്തിന് ഫുട്‌ബോളിനോടായിരുന്നു കൂടുതൽ ഇഷ്ടം.

കേരളാ ഫുട്‌ബോളിന് കരുത്ത് പകരുന്ന വിധം ഇടപെടൽ നടത്തിയ മാധ്യമ പ്രവർത്തകൻ കൂടിയാണ് അദ്ദേഹം. മൃതദേഹം ഇന്ന് 11.30 ന് വസതിയിൽ നിന്നെടുക്കും. തുടർന്ന് സംസ്കാരം തൈക്കാട് ശാന്തി കവാടത്തിൽ നടക്കും.