ഹുസൈന് കല്പൂര് ഇനി ഓര്മ്മ... കാടിറങ്ങിയെത്തിയ ആനകളും കടുവകളും പുലിയുമൊക്കെ നാടിനെയൊന്നാകെ മുള്മുനയില് നിര്ത്തുമ്പോള് അവയെ സധൈര്യം നേരിട്ട് രക്ഷാ ദൗത്യം നടത്തിയ ഹുസൈന് ഇനിയില്ല
ഹുസൈന് കല്പൂര് ഇനി ഓര്മ്മ... കാടിറങ്ങിയെത്തിയ ആനകളും കടുവകളും പുലിയുമൊക്കെ നാടിനെയൊന്നാകെ മുള്മുനയില് നിര്ത്തുമ്പോള് അവയെ സധൈര്യം നേരിട്ട് രക്ഷാ ദൗത്യം നടത്തിയ ഹുസൈന് ഇനിയില്ല
തൃശൂര് പാലപ്പള്ളിയില് ജനവാസ കേന്ദ്രത്തിലിറങ്ങിയ കാട്ടാനയെ തുരത്തുന്നതിനിടെ പരുക്കേറ്റ് ചികിത്സയിലിരിക്കെയാണു മരണം. കഴിഞ്ഞ പത്തു വര്ഷത്തോളമായി വയനാട് വന്യജീവി സങ്കേതത്തിലെ ആര്ആര്ടി സംഘത്തോടൊപ്പമുള്ള വെറ്ററിനറി സ്ക്വാഡിലായിരുന്നു ഈ താല്കാലിക ജീവനക്കാരന്.
ഫോറസ്റ്റ് ചീഫ് വെറ്ററിനറി ഓഫിസര് അരുണ് സഖറിയയുടെ പ്രധാന സഹായി കൂടിയായിരുന്നു ഹുസൈന്. അഞ്ചു വര്ഷം മുന്പ് വയനാട്ടിലെ ജനവാസ കേന്ദ്രങ്ങളിലിറങ്ങിയ കല്ലൂര് കൊമ്പന്, വടക്കനാട് കൊമ്പന് എന്നിവയെ പിടികൂടിയ സംഘത്തിലുണ്ടായിരുന്നു. മയക്കു വെടിയേറ്റു നിന്ന വടക്കനാട് കൊമ്പന്റെ പുറത്തു കയറി റേഡിയോ കോളര് ഘടിപ്പിച്ചത് ഹുസൈനാണ്.
അതേസമയം കാട്ടാനകളുടെയും കടുവകളുടെയും നീക്കം മനസ്സിലാക്കുന്നതിനും അവ എവിടെയുണ്ടെന്ന് കണ്ടെത്തുന്നതിനും പ്രത്യേക മിടുക്കുണ്ടായിരുന്നു ഹുസൈന്. വനം വകുപ്പിന്റെ ദ്രുത കര്മ സേനയിലെത്തുന്നതിനു മുന്പ് ഉഗ്ര വിഷമുള്ള പാമ്പുകളെ പിടിക്കാനായി കോഴിക്കോട്, വയനാട്, മലപ്പുറം ജില്ലകളില് ഹുസൈന് എത്തിയിരുന്നു.
കൂടരഞ്ഞിയില് പൊതുദര്ശനത്തിനു ശേഷം വന് ജനാവലിയുടെ സാന്നിധ്യത്തില് കാരമൂല ജുമുഅത്ത് പള്ളിയില് ഹുസൈന്റെ കബറടക്കം നടന്നു.
"
https://www.facebook.com/Malayalivartha
