തിരുവനന്തപുരം നഗരത്തിൽ നായ്ക്കളെ ചത്ത നിലയിൽ കണ്ടെത്തി. വഞ്ചിയൂരിലാണ് നാല് നായ്ക്കൾ ചത്തത്. അതിൽ മൂന്ന് തെരുവു നായ്ക്കളും ഒരു വളര്‍ത്തു നായയും ആണ് ചത്തത്. ഏന്നാൽ ഭക്ഷണത്തില്‍ വിഷം കലര്‍ത്തി നല്‍കി കൊന്നുവെന്നാണ് പുറത്ത് വരുന്ന റിപ്പോർട്ടുകൾ. ഒരു കാറില്‍ എത്തിയവര്‍ റോഡില്‍ കൊണ്ടുവച്ച ഭക്ഷണം കഴിച്ചതിന് പിന്നാലെയാണ് ഇവ ചത്തതെന്ന് നാട്ടുകാർ പറയുന്നു.

ഇതിനു പിന്നാലെ നായ്‌ക്കൾ കൂട്ടത്തോടെ ചത്ത സംഭവത്തിൽ കേസെടുത്തിട്ടുണ്ട്. ഏരൂരിൽ നായ്‌ക്കളെ കൂട്ടത്തോടെ ചത്ത നിലയിൽ കണ്ടെത്തിയ സംഭവത്തിൽ പൊലീസ് കേസ് എടുത്തു. ഹൈക്കോടതി നിർദ്ദേശ പ്രകാരമാണ് നടപടി. അതുപോലെ നായ്‌ക്കളുടെ മരണകാരണം സ്ഥിരീകരിക്കാൻ സാമ്പിളുകൾ ഇന്ന് പരിശോധനയ്‌ക്ക് അയക്കാനാണ് തീരുമാനം.

അതേസമയം കഴിഞ്ഞ ദിവസമാണ് അഞ്ച് നായ്‌ക്കളെ കൂട്ടത്തോടെ ചത്ത നിലയിൽ കണ്ടത്. മാത്രമല്ല വിഷം കൊടുത്ത് കൊലപ്പെടുത്തിയതാണെന്നാണ് പ്രാഥമിക നിഗമനം. സംഭവത്തിൽ വിഷം കൊടുത്താണോ കൊന്നതെന്ന് സ്ഥിരീകരിക്കാൻ ആന്തരികാവയവങ്ങൾ മൃഗസംരക്ഷണവകുപ്പ് പരിശോധിക്കും. ഇതിനായി അവയവങ്ങൾ കാക്കനാട്ടെ റീജിയണൽ ലാബിലേക്ക് അയച്ചു.