കോണ്ഗ്രസിന്റെയും എച്ച്.ഡി. കുമാരസ്വാമിയുടെ ജനതാദള് സെക്യുലറിന്റെയും എതിര്പ്പ് അവഗണിച്ച് വിവാദ മതപരിവര്ത്തന വിരുദ്ധ ബില് കര്ണാടകയില് ഉപരിസഭ പാസാക്കി.....
കോണ്ഗ്രസിന്റെയും എച്ച്.ഡി. കുമാരസ്വാമിയുടെ ജനതാദള് സെക്യുലറിന്റെയും എതിര്പ്പ് അവഗണിച്ച് വിവാദ മതപരിവര്ത്തന വിരുദ്ധ ബില് കര്ണാടകയില് ഉപരിസഭ പാസാക്കി.ഇന്നലെ ബില് സഭയില് അവതരിപ്പിച്ചത് ആഭ്യന്തര മന്ത്രി അരഗ ജ്ഞാനേന്ദ്രയാണ്
നിര്ബന്ധിത മതപരിവര്ത്തനത്തില് നിന്ന് ആളുകളെ സംരക്ഷിക്കാന് ഈ നിയമം സഹായിക്കുമെന്ന് സര്ക്കാര് അവകാശപ്പെടുകയുംഎന്നാല് ഇത്തരമൊരു നിയമം ഭരണഘടന അനുശാസിക്കുന്ന മതസ്വാതന്ത്ര്യത്തെ ഹനിക്കുമെന്ന് പ്രതിപക്ഷം വാദിച്ചു.
പുതിയ നിയമമനുസരിച്ച്, നിയമവിരുദ്ധമായ മതപരിവര്ത്തനം നടത്തിയാല് മൂന്ന് മുതല് അഞ്ച് വര്ഷം വരെ തടവും 25,000 രൂപ പിഴയും ലഭിക്കും. പ്രായപൂര്ത്തിയാകാത്ത ഒരാളെ മതം മാറ്റിയാല് ശിക്ഷ 10വര്ഷം വരെ നീട്ടാം. പിഴ 50,000 രൂപ ആയിരിക്കും.
കൂട്ട പരിവര്ത്തനം നടത്തിയാല് ഒരു ലക്ഷം രൂപ പിഴ ചുമത്തും. കുറ്റം ആവര്ത്തിച്ചാല് രണ്ടുലക്ഷം രൂപ വരെ പിഴയും കുറഞ്ഞത് അഞ്ച് വര്ഷം വരെ തടവും ലഭിക്കും.
കഴിഞ്ഞ വര്ഷം ഡിസംബറില് ബെലഗാവിയില് നടന്ന സമ്മേളനത്തില് ബില് കൗണ്സിലില് അവതരിപ്പിച്ചിരുന്നു. എന്നാല് ഉപരിസഭയില് ഭൂരിപക്ഷമില്ലാത്തതിനാല് അന്നും തുടര്ന്നുള്ള ബജറ്റ് സമ്മേളനത്തിലും സര്ക്കാര് ബില് പാസാക്കാന് ശ്രമിച്ചില്ല.
""
https://www.facebook.com/Malayalivartha
