''ഫോണിലേക്ക് വിളിച്ചയാൾ ഭീക്ഷണിപ്പെടുത്തി പരാതിയുമായി എത്തിയ ട്രാന്‍സ്‌ജെന്‍ഡറിനെതിരെയാണ്
പോലീസ് ഉദ്യോഗസ്ഥന്‍ അപമര്യാദയായി പെരുമാറുന്നത്. ഒരാള്‍ വിളിച്ച് മോശമായി സംസാരിക്കുകയും പിന്നീട് വധഭീഷണി മുഴക്കുകയും ചെയ്തപ്പോള്‍ ഇതില്‍ പരാതി നല്‍കാനാണ് നടക്കാവ് പോലീസ് സ്റ്റേഷനില്‍ എത്തിയത്. ട്രാന്‍സ്‌ജെന്‍ഡര്‍ ആണെന്ന് മനസ്സിലായപ്പോള്‍, വിളിച്ചത് നിന്റെ കസ്റ്റമര്‍ ആയിരിക്കുമെന്നാണ് പോലീസ് ആദ്യം പറഞ്ഞത്. നീയൊക്കെ ആണും പെണ്ണും കെട്ടതല്ലേ സെക്‌സ് വര്‍ക്ക് ചെയ്യുന്നവരല്ലേ എന്ന് പറഞ്ഞ് അപമാനിച്ചു.

പരാതി സ്വീകരിക്കാനോ കേസ് എടുക്കാനോ കഴിയില്ലെന്നും പറഞ്ഞു. പോലീസ് ഉദ്യോഗസ്ഥന്‍ അപമര്യാദയായി പെരുമാറുന്നത് ചിത്രീകരിക്കാന്‍ ശ്രമിച്ചപ്പോള്‍ ഫോണ്‍ തട്ടിപ്പറിക്കാനും ശ്രമിച്ചു. പീന്നീട് ഡ്യൂട്ടിയില്‍ ഉണ്ടായിരുന്ന മറ്റൊരു ഉദ്യോഗസ്ഥനാണ് പരാതി സ്വീകരിച്ചത്''- ദീപാറാണി പറഞ്ഞു.അതേസമയം, ആരോപണം തെറ്റാണെന്നാണ് പോലീസിന്റെ വിശദീകരണം. ടൗണിലെ എല്ലാ ട്രാന്‍സ്‌ജെന്‍ഡേഴ്‌സും പരാതിയുമായി ഇവിടെ എത്താറുണ്ട്. ആരോടും ഇതുവരെ മോശമായി പോലീസുകാര്‍ പെരുമാറിയിട്ടില്ലെന്നുമാണ് പോലീസ് നൽകുന്ന വിവരം