ദീപാവലിക്ക് ഭാരത് ഇ-മാര്ട്ട് പദ്ധതി... ഓണ്ലൈന് വ്യാപാരരംഗത്തെ കുത്തകക്കമ്പനികള്ക്കെതിരേ സ്വന്തം ഇ-കൊമേഴ്സ് പോര്ട്ടലൊരുക്കാനൊരുങ്ങി വ്യാപാരികള്, ആദ്യഘട്ടം വ്യാപാരികള്ക്കു മാത്രം പിന്നീട് പൊതുജനങ്ങള്ക്കായി തുറക്കും
ഭാരത് ഇ-മാര്ട്ട് പദ്ധതി... ഓണ്ലൈന് വ്യാപാരരംഗത്തെ കുത്തകക്കമ്പനികള്ക്കെതിരേ സ്വന്തം ഇ-കൊമേഴ്സ് പോര്ട്ടലൊരുക്കാനൊരുങ്ങി വ്യാപാരികള്, ആദ്യഘട്ടം വ്യാപാരികള്ക്കു മാത്രം പിന്നീട് പൊതുജനങ്ങള്ക്കായി തുറക്കും
രാജ്യമെമ്പാടും സേവനം നല്കുന്ന 'ഭാരത് ഇ-മാര്ട്ട്' ദീപാവലിക്ക് തുടങ്ങാനാണ് പദ്ധതി. രാജ്യത്തെ വ്യാപാരി സംഘടനകളുടെ കൂട്ടായ്മയായ കോണ്ഫെഡറേഷന് ഓഫ് ഓള് ഇന്ത്യ ട്രേഡേഴ്സാണ് (സി.എ.ഐ.ടി.) പോര്ട്ടല് വികസിപ്പിക്കുന്നത്.
സെപ്റ്റംബര് 26 മുതല് പോര്ട്ടലില് വ്യാപാരികളുടെ രജിസ്ട്രേഷന് തുടങ്ങുമെന്ന് സി.എ.ഐ.ടി. ദേശീയ സെക്രട്ടറി എസ്.എസ്. മനോജ് പറഞ്ഞു. സി.എ.ഐ.ടി.ക്കുകീഴിലുള്ള ചെറുതും വലുതുമായ അരലക്ഷത്തോളം വ്യാപാരിസംഘടനകളിലുള്ളവര്ക്ക് സൗജന്യമായി തങ്ങളുടെ സ്ഥാപനത്തെ പോര്ട്ടലില് രജിസ്റ്റര്ചെയ്യാവുന്നതാണ്.
ജി.എസ്.ടി. അടയ്ക്കാത്ത ചെറുകിട വ്യാപാരികള്ക്കും ചേരാം. സംഘടനയ്ക്കുകീഴിലെ എല്ലാ വ്യാപാരികളെയും ഇതിന്റെ ഭാഗമാക്കും. ആകെ എട്ടുകോടിയോളം വ്യാപാരികളാണുള്ളത്. മൂന്നുവര്ഷത്തിലേറെയായി പോര്ട്ടലിന്റെ അണിയറജോലികള് നടന്നുവരികകയാണ്. ഇതിനായി മൊബൈല് ആപ്പുമുണ്ട്. കമ്മിഷനായി പണമീടാക്കാതെയാകും സേവനം.
പരമാവധി വ്യാപാരികളെ ചേര്ത്ത് പങ്കാളിത്തം ഉറപ്പാക്കുകയും ചെയ്യും. വ്യാപാരികള്ക്ക് പോര്ട്ടല് പരിചയപ്പെടുത്താനായി വിവിധ സംസ്ഥാനങ്ങളില് സി.എ.ഐ.ടി. ശില്പശാലകള് നടത്തിവരുന്നു. കേരളഘടകത്തിന്റെ നേതൃത്വത്തില് 27-ന് തിരുവനന്തപുരത്ത് ശില്പശാല നടക്കും.പോര്ട്ടല് പ്രവര്ത്തനസജ്ജമായി വരുമ്പോള് രാജ്യത്തെവിടെയുമുള്ളവര്ക്ക് കുറഞ്ഞവിലയ്ക്ക് സാധനങ്ങള് വാങ്ങാനും വില്ക്കാനും സാധിക്കും. വ്യാപാരികള്ക്കുപുറമേ വിതരണക്കാരെയും മാര്ക്കറ്റിങ് മേഖലയിലുള്ളവരെയും പോര്ട്ടലില് ഉള്പ്പെടുത്തും. അതിനാല് വലിയ ചെലവില്ലാതെ ഈ സാധനങ്ങള് എത്തിക്കാനുമാകും.
"
https://www.facebook.com/Malayalivartha
