വേലി തന്നെ വിളവു തിന്നുന്നു എന്നു പറയാറില്ലേ.. അത്തരമൊരു സംഭവാണ് കാഞ്ഞിരപ്പള്ളിയിൽ നിന്നും പുറത്തുവന്നത്. കാഞ്ഞിരപ്പള്ളിയിൽ പഴക്കടയിൽനിന്നു കേരള പോലീസ് സേനയിലെ പൊലീസ് ഉദ്യോഗസ്ഥൻ മാമ്പഴം മോഷ്ടിച്ചു.

സംഭവത്തിൽ കടയുടമയുടെ പരാതിയിൽ പൊലീസ് ഉദ്യോഗസ്ഥനെതിരെ കേസ് എടുത്തു. ഏകദേശം 600 രൂപ വില വരുന്ന 10 കിലോ മാമ്പഴമാണ് ഇടുക്കി എആർ ക്യാംപിലെ ഉദ്യോഗസ്ഥനായ മുണ്ടക്കയം വണ്ടൻപതാൽ സ്വദേശി ശിഹാബ് മോഷ്ടിച്ചത്. ഇക്കഴിഞ്ഞ ബുധനാഴ്ച അർധരാത്രി, കോട്ടയം മെഡിക്കൽ കോളജിലെ ഡ്യൂട്ടി കഴിഞ്ഞ് മടങ്ങുമ്പോഴാണ് പോലീസ് ഉദ്യോഗസ്ഥൻ അവസരം നോക്കി മോഷണം നടത്തുന്നത്.

എന്നാൽ കടയുടമ രാവിലെ എത്തിയപ്പോഴാണ് മോഷണവിവരമറിയുന്നത്. ഇതിനു പിന്നാലെ അയാൾ പൊലീസിൽ പരാതി നൽകി. സംഭവത്തിണ് പിറകെ കുറ്റവാളിയെ കണ്ടെത്താൻ പോലീസ് സിസിടിവി ദൃശ്യങ്ങൾ പരിശോധിക്കുകയാണ് ഉണ്ടായത്.