മുഖ്യമന്ത്രിയ്ക്ക് വിദേശത്തേയ്ക്ക് പറക്കാന് കോടിയേരിയുടെ മൃതദേഹം നേരത്തേ സംസ്കരിച്ചു; പാര്ട്ടിയ്ക്കുള്ളില് പ്രതിഷേധം ശക്തം
മുഖ്യമന്ത്രി പിണറായി വിജയനും കോടിയേരിയും തമ്മിലുള്ള ബന്ധത്തെ ക്കുറിച്ച കേരളത്തിനറിയം. സംസ്കാരച്ചടങ്ങിലും കോടിയേരിയെ സഹോദര തുല്യനായാണ് വേര്പാടിനോട് മുഖ്യമന്ത്രി പ്രതികരിച്ചത്. കോടിയേരി സംസ്ഥാന സെക്രട്ടറി പദവിയില് ഇരിക്കേ പിണറായിയുമായി വളരെ അടുത്ത ബന്ധം തന്നെയാണ് പുലര്ത്തിയിരുന്നു. മുഖ്യമന്ത്രിയുടെ വിദേശ യാത്രയ്ക്കുവേണ്ടിയാണ് കോടിയേരിയുടെ മൃതദേഹത്തെ എകെജി സെന്ററില് പൊതു ദര്ശനത്തിന് വയ്ക്കാത്തതെന്നാണ് ഒരു വിഭാഗം ഉയര്ത്തുന്ന വിമര്ശനം.
അതേസമയം ആ കോടിയേരിയുടെ മൃതദേഹം തിരുവനന്തപുരത്ത് എത്തിക്കാത്തതില് പാര്ട്ടിക്കുള്ളില് എതിര്പ്പും ഉടലെടുത്തിട്ടുണ്ട്. മുഖ്യമന്ത്രിയുടെ വിദേശ സന്ദര്ശനം പിന്നേയും നീട്ടിവെയ്ക്കാന് വിസമ്മതിച്ചതാണ് സംസ്കാര ചടങ്ങുകള് വേഗത്തിലാക്കാനുള്ള കാരണമെന്നാണ് പ്രവര്ത്തകര്ക്കുള്ളിലെ മുറുമുറുപ്പ്. ഇതോടെ സംസ്കാരച്ചടങ്ങിലെ പിണറായിയുടെ കണ്ണുനീര് സത്യമായിരുന്നോ എന്ന ചോദ്യവും എതിര് പക്ഷം ഉയര്ത്തകയാണ്. എന്തായാലും കോടിയേരിയുടെ ചടങ്ങുകള്ക്ക് പിന്നാലെ തിരക്കിട്ട് മുഖ്യമന്ത്രി ചൊവ്വാഴ്ച പുലര്ച്ചെ തന്നെ നോര്വ്വേയ്ക്ക് തിരിച്ചത് വിമര്ശങ്ങള്ക്ക് ഇടയാക്കിയിട്ടുണ്ട്. നിലവില് പിണറായി നേര്വെയിലാണുള്ളത് വിദ്യാഭ്യാസം, ആരോഗ്യം, ടൂറിസം എന്നീ മേഖലകളിലെ വിദേശ മാതൃകകള് പഠിക്കുന്നതിനായാണ് ഈ യാത്രയെന്നാണ് വിശദീകരണം.
എന്തായാലും കോടിയേരി ബാലകൃഷ്ണന്റെ മൃതദേഹം പാര്ട്ടി സംസ്ഥാന കമ്മിറ്റി ഓഫീസില് പൊതുദര്ശനത്തിന് വെയ്ക്കാതെ സംസ്കാര ചടങ്ങുകള് നടത്തിയതിന് പിന്നില് മുഖ്യമന്ത്രി പിണറായി വിജയന്റെ ഇടപെടലുകളുണ്ടോ? എന്ന ചോദ്യം വളരെ പരസക്തമാണ്. കാരണം മുതിര്ന്ന പാര്ട്ടി നേതാക്കളുടെ മൃതദേഹം പാര്ട്ടിയുടെ സംസ്ഥാന ഓഫീസായ എകെജി സെന്ററില് പൊതു ദര്ശനത്തിന് വെയ്ക്കുന്ന പതിവ് നേരത്തേ ഉള്ളതാണ്. എന്നാല് കോടിയേരിയുടെ മൃതദേഹം കണ്ണൂരിലേക്ക് എത്തിച്ച് അവിടെ പൊതുദര്ശനത്തിന് വെച്ച് സംസ്കരിക്കുകയാണുണ്ടായത്. പൊതുവേ സംസ്ഥാനത്തെ മുതിര്ന്ന നേതാവിന്റെ എകെജി സെന്ററിലെത്തിച്ച് അന്തിമ അഭിവാദ്യം നല്കുന്ന പതിവുണ്ട്. എന്നാല് ഇതൊന്നും പാലിക്കാതെയാണ് രണ്ട് വട്ടം സംസ്ഥാന സെക്രട്ടറിയായ ഉന്നത നേതാവിന്റെ സംസ്കാരചടങ്ങുകള് നടത്തിയത്. ചെന്നൈയില് നിന്നും എയര് ആംബുലന്സില് മൃതദേഹം കണ്ണൂരിലേക്ക് എത്തിച്ച് എം.വി. ഗോവിന്ദന് വിമാനത്താവളത്തിലെത്തി ഏറ്റുവാങ്ങുകയായിരുന്നു.
എകെജി സെന്ററിലെത്തിച്ച് പൊതുദര്ശനത്തിന് വെക്കുമെന്ന് കരുതിയ മൃതദേഹം നേരിട്ട് കണ്ണൂരിലേക്ക് എത്തിക്കുകയും മാടപ്പീടികയിലെ വീട്ടില് പൊതു ദര്ശനത്തിന് വെച്ചശേഷം കണ്ണൂരിലെ സിപിഎമ്മിന്റെ ജില്ലാ കമ്മിറ്റി ഓഫീസായ അഴീക്കോടന് മന്ദിരത്തില് എത്തിക്കുകയും പിന്നിട് തിങ്കളാഴ്ച 3.30 ഓടുകൂടി പയ്യാമ്പലത്ത് കോടിയേരിയുടെ ഭൗതികദേഹം സംസ്കരിക്കുകയായിരുന്നു. മുന് സിപിഎം നേതാക്കളായ ഇ.കെ. നയനാര്, ചടയന് ഗോവിന്ദന്, എന്നിവരുടെ സ്മൃതി കുടീരങ്ങള്ക്ക് സമീപത്തായാണ് കോടിയേരിയേയും സംസ്കരിച്ചത്.
അതേസമയം മുഖ്യമന്ത്രിയുടെ യൂറോപ്യന് യാത്രയെ കുറിച്ച് ഔദ്യോഗികമായി അറിയിക്കാത്തതില് ഗവര്ണര് ആരിഫ് മുഹമ്മദ് ഖാന് അതൃപ്തിയുണ്ട്. സാധാരണ മുഖ്യമന്ത്രിമാര് വിദേശത്തേക്ക് പോകുമ്പോള് രാജ്ഭവനിലെത്തി ഗവര്ണറെ അക്കാര്യം അറിയിക്കുകയോ രേഖാമൂലം യാത്രയുടെ വിശദാംശങ്ങള് കൈമാറുകയോ ചെയ്യുന്ന പതിവുണ്ട്. എന്നാല് രാജ്ഭവന് വിവരം നല്കാതെയാണ് ഇക്കുറി മുഖ്യമന്ത്രിയും മന്ത്രിമാരും യൂറോപ്പ് യാത്രയ്ക്ക് പോയത് എന്നാണ് രാജ്ഭവന്റെ പരാതി. ഇന്നലെ കണ്ണൂരില് കോടിയേരി ബാലകൃഷ്ണന് ആദരാഞ്ജലി അര്പ്പിക്കാനെത്തിയപ്പോഴാണ് യാത്രാവിവരം മുഖ്യമന്ത്രി ഗവര്ണറോട് പറഞ്ഞതെന്നാണ് രാജ്ഭവന് വൃത്തങ്ങള് അറിയിക്കുന്നത്.
ഒക്ടോബര് ഒന്നിനാണ് പോകാനിരുന്നത്. എന്നാല് കോടിയേരിയുടെ രോഗാവസ്ഥ പരിഗണിച്ച് യാത്ര നീട്ടി. വേണ്ടെന്ന് വച്ചുവെന്ന തരത്തിലാണ് വാര്ത്ത വന്നത്. കോടിയേരിയുടെ മരണമായതു കൊണ്ട് തന്നെ ഉടന് പോകില്ലെന്നും കരുതി. എന്നാല് വിദേശത്തെ കൂടിയാലോചനകള് അടിയന്തരമാണെന്ന നിലപാടാണ് മുഖ്യമന്ത്രി എടുത്തത്. ഇതോടെ ഫിന്ലന്ഡ് ഒഴിവാക്കി മറ്റിടങ്ങളിലേക്ക് പോകാന് തീരുമാനിച്ചു.
അതിനിടെ മുഖ്യമന്ത്രി പിണറായി വിജയന്റെ വിദേശ യാത്രാ വിവാദത്തില് പ്രതികരണവുമായി മന്ത്രി എം ബി രാജേഷും രംഗത്തുവന്നു. ഗവര്ണര്ക്കെതിരെ വിമര്ശനമുയര്ത്തിയ മന്ത്രി, തെരഞ്ഞെടുക്കപ്പെട്ട സര്ക്കാരിന് പ്രവര്ത്തിക്കാനുള്ള അവകാശം ജനങ്ങളാണ് നല്കിയതെന്നും ചൂണ്ടിക്കാട്ടി.
https://www.facebook.com/Malayalivartha
