കെഎസ്ആർടിസി ഇപ്പോൾ പല വിവാദങ്ങൾക്ക് പിന്നിലാണ് പായുന്നത്. ശമ്പളം പോലും നൽകാൻ കഴിയാത്ത വിധത്തിൽകിതയ്ക്കുകയാണ്. ഇതുകൂടാതെ ഒരുവിഭാഗം ജീവനക്കാരുടെ പെരുമാറ്റവും ഇപ്പോൾ ഏറെ ചർച്ചയാകുകയാണ്. എന്നാൽ കെഎസ്ആർടിസിയെ എങ്ങനെ നന്നാക്കാം, ലാഭത്തിലാക്കാം എന്ന് കുറിപ്പ് പങ്കിടുകയാണ് ഒരു സ്വകാര്യ ബസ് ജീവനക്കാരൻ. ഫെയ്സ്ബുക്കിൽ പങ്കുവച്ച കുറിപ്പ് ഇപ്പോൾ വൈറലായി മാറിയിരിക്കുകയാണ്. ആനവണ്ടി ട്രാവൽ ബ്ലോഗ് അടക്കമുള്ള പേജുകളിലും ഈ കുറിപ്പ് കാണുവാൻ സാധിക്കും. 800 രൂപയും ചെലവും ദിവസക്കൂലിയായി തന്നാൽ ഞങ്ങൾ ലാഭം ഉണ്ടാക്കിത്തരാം എന്നാണ് കുറിപ്പിലൂടെ കെഎസ്ആർടിസി എം.ഡിയോട് വ്യക്തമാക്കുന്നത്.

ഫേസ്ബുക്ക് കുറിപ്പ് ഇങ്ങനെ:

‘Dear KSRTC എംഡി,

800 രൂപയും ചിലവും ദിവസക്കൂലി തരൂ. ഞങ്ങളോടിച്ചോളാം വണ്ടി. പെൻഷനും വേണ്ട ഒരു പുണ്ണാക്കും വേണ്ട. പറ്റുമോ? 5000ത്തിന് മുകളിൽ കലക്ഷൻ വന്നാൽ പിന്നീടുള്ള കലക്ഷന് 100 രൂപക്ക് 5 രൂപ വെച്ച് ബാറ്റയും കൂടെ തന്നാൽ കലക്ഷൻ ഉണ്ടാക്കുന്നത് ഞങ്ങള് കാണിച്ചു തരാം. തൊഴിലില്ലാത്ത പതിനായിരക്കണക്കിന് ചെറുപ്പക്കാർ പുറത്തു നിൽക്കുമ്പോഴാണ് ഈ പ്രസ്ഥാനത്തിന്റെ അസ്ഥിവാരം കടലെടുക്കുന്നത് നോക്കി അധികാരികൾ നെടുവീർപ്പിടുന്നത് ആദ്യം പണിയെടുക്കൂ... എന്നിട്ടാവാം അവകാശങ്ങൾക്ക് വേണ്ടിയുള്ള പോരാട്ടം.. എന്ന് ഒരു പാവം പ്രൈവറ്റ് ബസ്സ്‌ ഡ്രൈവർ.

SAVE KSRTC’