കോണ്‍ഗ്രസ് അധ്യക്ഷ സ്ഥാനത്തേക്കുള്ള തെരഞ്ഞെടുപ്പില്‍ തരൂർ നിന്നതോടെ വലിയൊരു സംഘർഷ അവസ്ഥയാണ് കേരളത്തിൽ. തരൂരിനെതിരെ കെപിസിസി നേതാക്കൾ ഓരോരുത്തരായി രംഗത്ത് എത്തുകയാണ്. ഇപ്പോഴിതാ കെ മുരളീധരനും എത്തുകയാണ്. കോണ്‍ഗ്രസ് അധ്യക്ഷ സ്ഥാനത്തേക്കുള്ള തെരഞ്ഞെടുപ്പില്‍ മല്ലികാർജുൻ ഖാർഗെയെ പിന്തുണച്ചാണ് കെ മുരളീധരന്‍ രംഗത്ത് എത്തിയത്.

എം പി. ശശി തരൂരിന് സാധാരണക്കാരുമായി ബന്ധമില്ല. തന്നേപ്പോലുള്ളവരുടെ വോട്ട് മല്ലികാര്‍ജുന്‍ ഖാര്‍ഗേയ്ക്ക് ആണെന്ന് മുരളീധരന്‍ പറഞ്ഞു. മാത്രമല്ല എലൈറ്റ് ക്ലാസിനൊപ്പമാണ് ബിജെപി. അതിനെ നേരിടാന്‍ ബഹുജനമുന്നേറ്റമാണ് വേണ്ടത്. അതിന് സാധാരണ ജനങ്ങളുടെ മനസ്സ് അറിയുന്ന ഒരാള്‍ പാര്‍ട്ടി അധ്യക്ഷനാകണമെന്നാണ് തന്നെപ്പോലുള്ളവര്‍ ആഗ്രഹിക്കുന്നത്.

അതേസമയം അത് താഴേത്തട്ടുമുതല്‍ സ്വന്തം അധ്വാനം കൊണ്ട് ഉയര്‍ന്നുവന്ന മല്ലികാര്‍ജുന്‍ ഖാര്‍ഗെയാണ് മികച്ചതെന്നാണ് തന്റെ അഭിപ്രായം. ഇതേസമയം തങ്ങളാരും ശശി തരൂരിന് എതിരല്ലെന്നും തങ്ങളെല്ലാം ഒരുമിച്ച് ബിജെപിക്കെതിരെ സഭയ്ക്ക് അകത്തും പുറത്തും പോരാടുന്നവരാണെന്നും മുരളീധരൻ പറഞ്ഞു.