എംഡിഎംഎയുമായി ലോഡ്ജിൽ നിന്ന് മൂന്ന് യുവാക്കൾ പോലീസ് പിടിയിലായി. ഹോസ്ദുർഗിൽ ലോഡ്ജുകൾ കേന്ദ്രികരിച്ചു നടത്തിയ പരിശോധനയിലാണ് കരിവെള്ളൂർ സ്വദേശി മുഹമ്മദ്‌ സഫ്‌വാൻ, പയ്യങ്കി സ്വദേശി അബ്ദുൽ ഖാദർ, തൃക്കരിപ്പൂർ സ്വദേശി മുഹമ്മദ്‌ അഫ്സൽ എന്നിവർ പിടിയിലായത്.

കാസർക്കോട് ജില്ലാ പോലീസ് മേധാവി ഡോക്ടർ വൈഭവ് സക്സേന ഐ. പി. എസിന്റെ മേൽനോട്ടത്തിൽ നടപ്പിലാക്കി വരുന്ന ഓപ്പറേഷൻ ക്ലീൻ കാസറഗോഡിന്റെ ഭാഗമായി ഹോസ്ദുർഗ് പോലീസ് സ്റ്റേഷൻ പരിധിയിലെ ലോഡ്ജുകൾ കേന്ദ്രികരിച്ചു കാഞ്ഞങ്ങാട് ഡി വൈ എസ് പി. ബാലകൃഷ്ണൻ നായരുടെയും എസ്ഐ സതീശന്റെയും നേതൃത്വത്തിൽ നടത്തിയ പരിശോധന യിൽ കുന്നുമ്മൽ എന്ന സ്ഥലത്തുള്ള ലോഡ്ജിൽ നിന്നും മാരക മയക്കുമരുന്നായ എംഡിഎംഎ യുമായി ഇവർ പിടിയിലായത്.

പ്രതികളിൽ നിന്ന് 3.900 ഗ്രാം MDMA, യും മയക്കു മരുന്ന് വില്പന നടത്താൻ ഉപയോഗിച്ച KL 60 M 139 നമ്പർ ബുള്ളറ്റും കണ്ടെടുത്തു. പോലീസ് സംഘത്തിൽ എ എസ് ഐ അബുബക്കർ കല്ലായി, പോലീസുകാർ ആയ നികേഷ്, അജയൻ എന്നിവർ ഉണ്ടായിരുന്നു.