ആരോഗ്യ മന്ത്രി വീണാ ജോര്‍ജിനെതിരെ കാസര്‍കോട്ട് യൂത്ത് ലീഗ് പ്രവര്‍ത്തകരുടെ കരിങ്കൊടി പ്രതിഷേധം. മൊഗ്രാലില്‍ സര്‍ക്കാര്‍ യുനാനി ആരോഗ്യ കേന്ദ്രത്തിന്റെ ഉദ്ഘാടനത്തിന് പോകവെയാണ് മന്ത്രിയുടെ വാഹനവ്യൂഹത്തിനെതിരെ പ്രവര്‍ത്തകര്‍ കരിങ്കൊടിയുമായെത്തിയത്.

കാസര്‍കോട് മെഡിക്കല്‍ കോളജ് യഥാര്‍ത്ഥ്യമാകാത്തതിലും, ജില്ലയോടുളള ആരോഗ്യ വകുപ്പിന്റെ അവഗണനയുടെയും പശ്ചാത്തലത്തിലായിരുന്നു പ്രതിഷേധം. സംഭവത്തില്‍ ആറ് യൂത്ത് ലീഗ് പ്രവര്‍ത്തകരെ പൊലീസ് കസ്റ്റഡിയിലെടുത്തു.