മാളയില്‍ അമ്മയ്ക്കും മകള്‍ക്കും ദാരുണാന്ത്യം. തൃശൂരില്‍ മാള പൂപ്പത്തിയില്‍ കുളത്തില്‍ വീണ് അമ്മയും മകളും മരിച്ചു. പള്ളിപ്പുറം കളപ്പുരയ്ക്കല്‍ ജിയോയുടെ ഭാര്യ മേരി അനു (37), മകള്‍ ആഗ്‌ന (11) എന്നിവരാണ് മരിച്ചത്. ഇന്ന് വൈകുന്നേരമാണ് അപകടം ഉണ്ടായത്.

കുളത്തില്‍ വീണ മകളുടെ ചെരുപ്പ് എടുക്കാന്‍ ഇറങ്ങിയപ്പോള്‍ ആണ് അമ്മ മുങ്ങിയത്. അമ്മ മുങ്ങുന്നത് കണ്ട് മകളും കുളത്തിലേക്ക് ഇറങ്ങുക ആയിരുന്നു. നാട്ടുകാരും ഫയര്‍ ഫോഴ്‌സും ചേര്‍ന്ന് അമ്മയെയും മകളെയും കരയ്ക്ക് എത്തിച്ചപ്പോഴേക്കും മരണം സംഭവിച്ചിരുന്നു.