കഴിഞ്ഞ ദിവസം മുഖ്യമന്ത്രി മാധ്യമങ്ങളോട് സംസാരിച്ചിരുന്നു. എന്നാൽ ആദ്യത്തെ ചോദ്യത്തിൽ തന്നെ മുഖ്യമന്ത്രി അസ്വസ്ഥനായിരുന്നു. കാരണം ആദ്യത്തെ ചോദ്യം മുഖ്യമന്ത്രിയും മന്ത്രിമാരും കുടുംബാംഗങ്ങളുമായി നടത്തിയ വിദേശയാത്ര ശരിയാണോ എന്നായിരുന്നു. ഈ ചോദ്യത്തോട് അസഹിഷ്ണുതയായിരുന്നു മുഖ്യമന്ത്രി പിണറായി വിജയൻ പ്രകടിപ്പിച്ചത് . ആദ്യ ചോദ്യം തന്നെ ഇതായത് ശരിയാണോ എന്നു ചിന്തിക്കണ’മെന്നാണ് മുഖ്യമന്ത്രി പറഞ്ഞത്.

അതായത് വിവാദത്തെ കുറിച്ച് ചോദിച്ചത് മുഖ്യമന്ത്രിക്ക് ഇഷ്ടമായിട്ടില്ല. അക്ഷരാർത്ഥത്തിൽ ആ ചോദ്യം മുഖ്യമന്ത്രിയെ ചൊടിപ്പിക്കുവായിരുന്നു. എന്നിരുന്നാലും അദ്ദേഹം തുടർന്ന് മാധ്യമങ്ങളോട് സംസാരിക്കുകയായിരുന്നു. വിദേശയാത്രയെക്കുറിച്ച് വിശദീകരിക്കാനാണ് ചീഫ് സെക്രട്ടറിയേയും കൂട്ടി ഇന്ന് മാധ്യമങ്ങൾക്ക് മുന്നിലെത്തുന്നത്. ‍ഞങ്ങളുടെ പ്രിയങ്കരനായ കോടിയേരി ബാലകൃഷ്ണൻ്റെ വിയോഗം മൂലം മുൻനിശ്ചയിച്ചതിലും വൈകിയാണ് യാത്ര ആരംഭിച്ചത്.

സംസ്ഥാനത്തിൻ്റെ മുന്നോട്ടുള്ള വികസനം മുൻനിര്‍ത്തിയാണ് ഇങ്ങനെയൊരു യാത്ര പദ്ധതിയിട്ടത്. അഭിമാനത്തോടെ പറയട്ടെ ലക്ഷ്യമിട്ടതിലും കൂടുതൽ ഗുണഫലങ്ങൾ ഈ യാത്ര കൊണ്ട് സംസ്ഥാനത്ത് സ്വായത്തമായിട്ടുണ്ട്. പഠനഗവേഷണ മേഖലകളിലെ സഹകരണം, പുതിയ തൊഴിൽ സാധ്യതകൾ, പ്രവാസിക്ഷേമം, മലയാളി സമൂഹവുമായുള്ള ആശയവിനിമയം, കൂടുതൽ നിക്ഷേപകരെ ആകര്‍ഷിക്കൽ ഇതൊക്കെയായിരുന്നു സന്ദര്‍ശനത്തിൻ്റെ പ്രധാന ലക്ഷ്യങ്ങൾ. ഇക്കാര്യത്തിലെല്ലാം പ്രതീക്ഷയിൽ കവിഞ്ഞ നേട്ടങ്ങളുണ്ടാക്കാൻ സാധിച്ചു.