സര്വകലാശാലകളുടെ ചാന്സലര് പദവിയില്നിന്നു ഗവര്ണറെ മാറ്റാനുളള തയ്യാറെടുപ്പുമായി സര്ക്കാര്..... ഒമ്പതു സര്വകലാശാലകളിലെ വി.സി.മാരോട് രാജിവെക്കാനായി നിര്ദേശിച്ച് ഗവര്ണര് അത്യസാധാരണ നടപടിയിലേക്കു കടന്നതോടെ ഇനി വൈകിക്കേണ്ടതില്ലെന്ന നിലപാടിലാണ് സര്ക്കാര്
സര്വകലാശാലകളുടെ ചാന്സലര് പദവിയില്നിന്നു ഗവര്ണറെ മാറ്റാനുളള തയ്യാറെടുപ്പുമായി സര്ക്കാര്..... ഒമ്പതു സര്വകലാശാലകളിലെ വി.സി.മാരോട് രാജിവെക്കാനായി നിര്ദേശിച്ച് ഗവര്ണര് അത്യസാധാരണ നടപടിയിലേക്കു കടന്നതോടെ ഇനി വൈകിക്കേണ്ടതില്ലെന്ന നിലപാടിലാണ് സര്ക്കാര്.
നിയമസഭാസമ്മേളനം നിശ്ചയിച്ചിട്ടില്ലാത്ത സാഹചര്യത്തില് ഓര്ഡിനന്സ് ഇറക്കാനാണ് ധാരണ. ബുധനാഴ്ചത്തെ മന്ത്രിസഭായോഗത്തില് ഓര്ഡിനന്സ് പരിഗണിക്കുമോയെന്നു വ്യക്തമല്ല. ചാന്സലര് പദവിയില് നിന്ന് ഗവര്ണറെ നീക്കുന്നതിനെ കുറിച്ച് സര്ക്കാര് കഴിഞ്ഞദിവസം നിയമവിദഗ്ധരുമായി കൂടിയാലോചിച്ചിട്ടുണ്ടായിരുന്നു. ഇതിനുപിന്നാലെ, സെക്രട്ടേറിയറ്റിലെ ഉദ്യോഗസ്ഥസംഘം ഓര്ഡിനന്സിനായുള്ള തയ്യാറെടുപ്പും തുടങ്ങി കഴിഞ്ഞു.
ഗവര്ണര്ക്ക് ചാന്സലര് പദവി നല്കേണ്ടതില്ലെന്നും ഓരോ സര്വകലാശാലയ്ക്കും പ്രത്യേകം ചാന്സലര് വേണമെന്നും ഉന്നതവിദ്യാഭ്യാസ പരിഷ്കാരത്തിനായി നിയോഗിക്കപ്പെട്ട ശ്യാം ബി. മേനോന് കമ്മിഷനും ശുപാര്ശ ചെയ്തിരുന്നു. യു.ജി.സി. മാനദണ്ഡത്തില് ചാന്സലര് പദവി സംബന്ധിച്ചു വ്യവസ്ഥകളൊന്നുമില്ല.
ഓരോ സര്വകലാശാലയുടെയും പ്രത്യേക നിയമമനുസരിച്ചാണ് ഗവര്ണറെ ചാന്സലറായി നിയമിച്ചിട്ടുള്ളത്. ഇങ്ങനെ, ഗവര്ണര്ക്കുള്ള ചാന്സലര് പദവി നിയമസഭ നല്കിയ അധികാരമാണെന്ന് സര്ക്കാര് വൃത്തങ്ങള് ചൂണ്ടിക്കാട്ടി. ഗവര്ണറെ ചാന്സലര് സ്ഥാനത്തുനിന്നു നീക്കുന്നതില് ഭരണഘടനാപ്രശ്നങ്ങളുമില്ല. കേന്ദ്രസര്വകലാശാലകളില് മുമ്പ് ചാന്സലറായി രാഷ്ട്രപതിയെ നിശ്ചയിച്ചിരുന്നു. അവയില് പലതിലും ഇപ്പോള് രാഷ്ട്രപതിയല്ല ചാന്സലര്.
ചാന്സലര് പദവി മാറ്റി ഓര്ഡിനന്സോ നിയമസഭയില് ബില്ലോ കൊണ്ടുവന്നാല് താന് ഒപ്പിട്ടുനല്കാമെന്ന് പലവട്ടം ഗവര്ണര് തന്നെ വ്യക്തമാക്കിയിട്ടുള്ളതാണ്. അതുകൊണ്ടുതന്നെ, ഓര്ഡിനന്സ് ഇറക്കിയാല് ഗവര്ണര്ക്കതു നിരസിക്കാനാവില്ലെന്ന് സര്ക്കാര് കരുതുന്നു. എന്നാല് വി.സി. നിയമന വ്യവസ്ഥകളുള്ള സര്വകലാശാലാ ഭേദഗതി ബില്ലില് ഇതുവരെയും ഗവര്ണര് ഒപ്പ് ചെയ്തിട്ടില്ല.
"
https://www.facebook.com/Malayalivartha
