കാസര്കോട് റോഡിലെ കുഴിയില് വീഴാതിരിക്കാനുള്ള ശ്രമത്തിനിടെ ഇരുചക്രവാഹനത്തില് നിന്ന് തെറിച്ചുവീണ് യുവാവിന് ദാരുണാന്ത്യം
കാസര്കോട് റോഡിലെ കുഴിയില് വീഴാതിരിക്കാനുള്ള ശ്രമത്തിനിടെ ഇരുചക്രവാഹനത്തില് നിന്ന് തെറിച്ചുവീണ് യുവാവിന് ദാരുണാന്ത്യം
മാനടുക്കം ശാസ്ത്രിനഗര് കോളനിയിലെ രാമന്റെ മകന് വിജേഷ് (20) ആണ് ദാരുണമായി മരിച്ചത്.
കാഞ്ഞങ്ങാട്-പാണത്തൂര് സംസ്ഥാനപാതയില് കോളിച്ചാല് പെട്രോള്പമ്പിന് സമീപത്തായി തിങ്കളാഴ്ച രാത്രി ഒന്പതോടെയാണ് അപകടം നടന്നത്.പനത്തടി ഭാഗത്തു നിന്ന് കോളിച്ചാലിലേക്ക് പോകുകയായിരുന്നു വിജേഷ്. നാട്ടുകാര് ഉടന് കാഞ്ഞങ്ങാട് ജില്ലാ ആസ്പത്രിയിലേക്ക് കൊണ്ടുപോയെങ്കിലും വഴിമധ്യേ മരിച്ചു.
യുവാവ് റോഡിലേക്ക് തെറിച്ച് വീഴുന്നതുകണ്ട് അപകടമൊഴിവാക്കാനുള്ള ശ്രമത്തിനിടെ എതിരെവന്ന ഓട്ടോറിക്ഷയും അപകടത്തില്പ്പെട്ടിരുന്നു. കാസര്കോട് ജനറല് ആസ്പത്രിയില് പോസ്റ്റ്മോര്ട്ടം നടത്തിയശേഷം വീട്ടുവളപ്പില് സംസ്കരിച്ചു. കോളിച്ചാലിലെ ഡിന്നര്സെറ്റ് സ്ഥാപനത്തിലെ ജീവനക്കാരനായിരുന്നു വിജേഷ്.
"
https://www.facebook.com/Malayalivartha
