പാതയോരങ്ങളിലെ കൊടിതോരണങ്ങൾ മാറ്റണമെന്ന ഹൈക്കോടതിയുടെ താക്കീത് സർക്കാർ ലംഘിച്ചു.

പാതയോരങ്ങളിലെ അനധികൃത ഫ്‌ളക്‌സ് ബോർഡുകളും കൊടിമരങ്ങളും നീക്കം ചെയ്യുന്നതിൽ നടപടി വൈകിപ്പിച്ചിരിക്കുകയാണ് സംസ്ഥാന സർക്കാർ.

അതേസമയം തന്നെ തദ്ദേശസ്ഥാപനങ്ങൾ കേന്ദ്രീകരിച്ച് സ്‌ക്വാഡ് രൂപീകരിക്കണമെന്ന ഹൈക്കോടതി ഉത്തരവ് നടപ്പിലാക്കുന്നതിലും വീഴ്‌ച്ച സംഭവിച്ചു. കോടതി ഉത്തരവിന്മേൽ വകുപ്പു തല നടപടി ഇതുവരെ സ്വീകരിച്ചിട്ടില്ല.

ഹൈക്കോടതി നിരവധി തവണ ഇടക്കാല ഉത്തരവുകൾ പുറപ്പെടുവിച്ചിരുന്നെങ്കിലും സർക്കാർ മുഖം തിരിക്കുകയാണ്. കോടതി ഉത്തരവുകൾ നടപ്പിലാക്കാത്തതിൽ സർക്കാരിനെതിരെ ജസ്റ്റിസ് ദേവൻ രാമചന്ദ്രൻ രൂക്ഷ വിമർശനവും നടത്തിയിരുന്നു