സമരം കടുപ്പിക്കുന്നു.... കരയിലും കടലിലും സമരം നടത്തി നൂറാം ദിനത്തില് വിവിധ ആവശ്യങ്ങള് ഉന്നയിച്ച് സമരം കടുപ്പിച്ച്് തിരുവനന്തപുരം ലത്തീന് അതിരൂപത... മുതലപ്പൊഴിയില് നിന്ന് കടല് വഴി പോര്ട്ടിന് അടുത്തെത്തി ശക്തമായ മുന്നറിയിപ്പ് നല്കാനാണ് സമരസമിതിയുടെ നീക്കം
വിഴിഞ്ഞം തുറമുഖ സമരം ഇന്ന് നൂറാം ദിനം. കരയിലും കടലിലും സമരം നടത്തി നൂറാം ദിനത്തില് സമരം കടുപ്പിക്കുകയാണ് തിരുവനന്തപുരം ലത്തീന് അതിരൂപത.
മുതലപ്പൊഴിയില് നിന്ന് കടല് വഴി പോര്ട്ടിന് അടുത്തെത്തി ശക്തമായ മുന്നറിയിപ്പ് നല്കാനാണ് സമരസമിതിയുടെ നീക്കം. പ്രതിഷേധ സമരത്തില് 100ല് അധികം മത്സ്യബന്ധന വള്ളങ്ങള് കടലില് പ്രതിഷേധം തീര്ക്കും.
പുതുകുറിച്ചി, അഞ്ചുതെങ്ങ് ഫെറോനകളുടെ നേതൃത്വത്തിലാണ് കടല് വഴിയുള്ള സമരം. മുല്ലൂരിലും വിഴിഞ്ഞത്തും മുതലപ്പൊഴിയിലും ബഹുജന കണ്വന്ഷനും ഇന്നുണ്ട്. മുതലപ്പൊഴി പാലവും സമരക്കാര് ഉപരോധിക്കുകയും ചെയ്യും. ഇതോടെ തീരദേശ പാതയിലൂടെയുള്ള ഗതാഗതവും തടസ്സപ്പെട്ടേക്കും.
ആവാസ വ്യവസ്ഥ തകര്ക്കുന്ന വിഴിഞ്ഞം തുറമുഖ നിര്മാണം നിര്ത്തിവച്ച് ശാസ്ത്രീയ പഠനം നടത്തണം, മത്സ്യത്തൊഴിലാളികളുടെ പുനരധിവാസം ഉറപ്പാക്കുക തുടങ്ങി 7 ഇന ആവശ്യങ്ങള് ഉന്നയിച്ചാണ് മത്സ്യത്തൊഴിലാളികള് ലത്തീന് അതിരൂപതയുടെ നേതൃത്വത്തില് സമരം തുടങ്ങിയത്. ഇക്കഴിഞ്ഞ ജൂലൈ 20മുതലാണ് സമരം തുടങ്ങിയത്.
ആദ്യഘട്ടത്തില് സെക്രട്ടേറിയറ്റിന് മുന്നിലായിരുന്ന സമരം പിന്നീട് തുറമുഖ നിര്മാണ മേഖലയിലേക്ക് മാറ്റുകയായിരുന്നു. തുറമുഖ നിര്മാണം തടസപ്പെടുത്തരുത് , സമരപ്പന്തല് പൊളിച്ചുനീക്കണം തുടങ്ങി കോടതി നിര്ദേശങ്ങളെ പോലും കാറ്റില് പറത്തിയാണ് സമരം നീങ്ങുന്നത്.
"
https://www.facebook.com/Malayalivartha
