പുതിയ പാര്ട്ടി അധ്യക്ഷനായി മല്ലികാര്ജ്ജുന് ഖര്ഗെ ചുമതലയേറ്റതിന് പിന്നാലെ കോണ്ഗ്രസ് സ്റ്റിയറിംഗ് കമ്മിറ്റി പ്രഖ്യാപിച്ചു.... 47 അംഗ സ്റ്റിയറിംഗ് കമ്മിറ്റിയില് കേരളത്തില് നിന്ന് ഇടം പിടിച്ചത് മുതിര്ന്ന നേതാക്കളായ എ കെ ആന്റണിയും ഉമ്മന് ചാണ്ടിയും കെ സി വേണുഗോപാലും
പുതിയ പാര്ട്ടി അധ്യക്ഷനായി മല്ലികാര്ജ്ജുന് ഖര്ഗെ ചുമതലയേറ്റതിന് പിന്നാലെ കോണ്ഗ്രസ് സ്റ്റിയറിംഗ് കമ്മിറ്റി പ്രഖ്യാപിച്ചു.... 47 അംഗ സ്റ്റിയറിംഗ് കമ്മിറ്റിയില് കേരളത്തില് നിന്ന് ഇടം പിടിച്ചത് മുതിര്ന്ന നേതാക്കളായ എ കെ ആന്റണിയും ഉമ്മന് ചാണ്ടിയും കെ സി വേണുഗോപാലും .
പുതിയ പാര്ട്ടി അധ്യക്ഷനായി മല്ലികാര്ജ്ജുന് ഖര്ഗെ ചുമതലയേറ്റതിന് പിന്നാലെ നിലവിലെ കോണ്ഗ്രസ് പ്രവര്ത്തക സമിതി അംഗങ്ങള് രാജിസമര്പ്പിച്ചിരുന്നു.
പുതിയ പ്രവര്ത്തകസമിതി ചുമതലയേല്ക്കും വരെയുള്ള പകരം സംവിധാനമായിട്ടാണ് സ്റ്റിയറിംഗ് കമ്മിറ്റി നിലവില് വരുന്നത്. പുതിയ പ്രവര്ത്തക സമിതിയിലേക്ക് തെരഞ്ഞെടുപ്പിലൂടെ അംഗങ്ങളെ കണ്ടെത്താനായി രാഹുല് ഗാന്ധി നേരത്തെ സമ്മതമറിയിച്ചിരുന്നു. ഇക്കാര്യത്തില് ഇനിയുള്ള ദിവസങ്ങളില് വ്യക്തത വന്നേക്കും.
പുതുതായി നിയമിക്കപ്പെട്ട സ്റ്റിയറിംഗ് കമ്മിറ്റിയില് നെഹ്റു കുടുംബത്തില് നിന്നുള്ള എല്ലാവരും അംഗങ്ങളാണ്. സോണിയ ഗാന്ധി, രാഹുല് ഗാന്ധി, പ്രിയങ്ക ഗാന്ധി എന്നിവര് സ്റ്റിയറിംഗ് കമ്മിറ്റിയിലുണ്ട്. മുന് പ്രധാനമന്ത്രി മന്മോഹന്സിംഗും സമിതിയില് ഇടം നേടി.
അതേസമയം അധ്യക്ഷ തെരഞ്ഞെടുപ്പിലൂടെ വലിയ തരംഗം സൃഷ്ടിച്ച ശശി തരൂരിന്റെ പേര് സ്റ്റിയറിംഗ് കമ്മിറ്റിയിലില്ല എന്നത് ശ്രദ്ധേയമാണ്. അടുത്ത വര്ഷമാദ്യം നടക്കുന്ന എഐസിസി പ്ലീനറി സമ്മേളനത്തിലാണ് പുതിയ പ്രവര്ത്തക സമിതി നിയമിക്കപ്പെടുക. അതുവരെ സ്റ്റിയറിംഗ് കമ്മിറ്റിയാവും പാര്ട്ടിയുടെ നേതൃപരമായ ചുമതല വഹിക്കുന്നത്.
"
https://www.facebook.com/Malayalivartha
