കടകംപള്ളിയ്ക്ക് ഊണില്ല, ഉറക്കമില്ലാതെ നെട്ടോട്ട മോടുകയാണ്. ഇത് കണ്ട പിണറായി ഞെട്ടുന്ന കാഴ്ചയാണ് ജനങ്ങൾ കാണുന്നത്. എന്തായാലും സ്വര്‍ണക്കടത്ത് കേസ് പ്രതി സ്വപ്ന സുരേഷിന്റെ ആരോപണത്തിന്റെ പശ്ചാത്തലത്തില്‍ എല്ലാവരോടും നിലവിളിയാണ് കടകംപള്ളി.

കഴിഞ്ഞ ദിവസത്തെ സ്വപ്ന സുരേഷിന്റെ വെളിപ്പെടുത്തലിന് പിന്നാലെ കടകംപള്ളി സുരേന്ദ്രന്‍ ഉൾപ്പടെയുള്ള സിപിഎം നേതാക്കൾക്കെതിരെ പ്രതിഷേധം ശക്തമാവുകയാണ്. മാത്രമല്ല ഇന്നലെ ബിജെപി പ്രവര്‍ത്തകര്‍ കരിങ്കൊടി കാണിക്കാന്‍ എത്തിയപ്പോൾ വാഹനത്തിൽ നിന്നിറങ്ങി അവരോട് സംസാരിക്കുന്ന ദൃശ്യങ്ങൾ സമൂഹമാധ്യമങ്ങളിൽ ചർച്ചയാവുകയാണ്.

തിരുവനന്തപുരം പൗഡികോണത്ത് വെച്ചാണ് സംഭവം നടന്നത്. കരിങ്കൊടി കാണിക്കാന്‍ എത്തിയ ബിജെപി പ്രവര്‍ത്തകരെ കണ്ട് കാര്‍ നിര്‍ത്തി കടകംപള്ളി ഇറങ്ങി. തുടർന്ന് തന്നെ അവര്‍ എന്താണ് ചെയ്യുന്നതെന്ന് നോക്കട്ടെയെന്നും പൊലീസിന്റെ ആവശ്യം ഇല്ലെന്നും കടകംപള്ളി പറഞ്ഞു.