എനിക്കെന്റെ സ്വന്തം സഹോദരനെ പോലെ പ്രിയപ്പെട്ടവൻ , സതീശൻ പാച്ചേനി വിട പറഞ്ഞിരിക്കുന്നു.ഈ വേർപാട് വാക്കുകൾ കൊണ്ട് പറഞ്ഞറിയിക്കാനാവുന്നതല്ല .ഒരു കുടുംബാംഗത്തെ നഷ്ടമായത് പോലെ ഹൃദയത്തിൽ മുറിവേറ്റിരിക്കുന്നു. കെ സുധാകരന്റെ വാക്കുകൾ ഇങ്ങനെ;

എനിക്കെന്റെ സ്വന്തം സഹോദരനെ പോലെ പ്രിയപ്പെട്ടവൻ ,സതീശൻ പാച്ചേനി വിട പറഞ്ഞിരിക്കുന്നു.ഈ വേർപാട് വാക്കുകൾ കൊണ്ട് പറഞ്ഞറിയിക്കാനാവുന്നതല്ല .ഒരു കുടുംബാംഗത്തെ നഷ്ടമായത് പോലെ ഹൃദയത്തിൽ മുറിവേറ്റിരിക്കുന്നു.

ഇന്ത്യൻ നാഷണൽ കോൺഗ്രസിന് വിശിഷ്യാ കണ്ണൂരിലെ കോൺഗ്രസിന് ഒരിക്കലും നികത്താനാകാത്ത നഷ്ടം തന്നെയാണ് പാച്ചേനിയുടെ വിടവാങ്ങൽ. സൗമ്യമായ സ്വഭാവവും ശാന്തമായ പ്രവർത്തന രീതികളും കൊണ്ട് എതിരാളികളുടെ പോലും സ്നേഹം പിടിച്ചുപറ്റിയ നേതാവാണ് സതീശൻ പാച്ചേനി .

കമ്മ്യൂണിസ്റ്റ് കുടുംബത്തിൽ നിന്നും കോൺഗ്രസിന്റെ ആശയങ്ങളിൽ ആകൃഷ്ടനായി പ്രസ്ഥാനത്തിലേക്ക് കടന്നുവന്ന് കോൺഗ്രസിന്റെ നേതൃനിരയിലെത്തി പ്രവർത്തകരുടെ വിശ്വാസം ആർജിച്ച നേതാവാണ് അദ്ദേഹം. അച്ചടക്കമുള്ള പാർട്ടി പ്രവർത്തകനായിരുന്നു സതീശൻ പാച്ചേനി .പാർട്ടി ഏൽപ്പിച്ച ദൗത്യങ്ങൾ ഒക്കെയും ശിരസ്സാവഹിച്ച അദ്ദേഹത്തിൻറെ രാഷ്ട്രീയ ജീവിതം ഏതൊരു പൊതുപ്രവർത്തകനും മാതൃകയാക്കാവുന്നതാണ്.

ഒരിക്കൽപോലും പരാതിയും പരിഭവങ്ങളും ഇല്ലാതെ പ്രസ്ഥാനത്തിനൊപ്പം സഞ്ചരിച്ച ഒരു യഥാർത്ഥ കോൺഗ്രസുകാരനെയാണ് സംസ്ഥാനത്തെ കോൺഗ്രസ് പാർട്ടിക്ക് നഷ്ടമായിരിക്കുന്നത്. അദ്ദേഹത്തോട് അടുപ്പമുള്ളവർക്ക് ഉൾക്കൊള്ളാനാകാത്ത അകാലത്തിലുള്ള വിയോഗം തന്നെയാണിത്. പ്രിയ സതീശൻ പാച്ചേനിയ്ക്ക് ആദരാഞ്ജലികൾ.