മലപ്പുറത്ത് കിണറ്റിൽ മൂന്ന് വയസുകാരൻ കിണറ്റിൽ വീണു ദാരുണാന്ത്യം. വീട്ടുമുറ്റത്ത് കളിക്കുന്നതിനിടെ കിണറ്റിൽ വീണു മരിക്കുകയായിരുന്നു. ആതവനാട് കഞ്ഞിപ്പുരയിലെ പല്ലിക്കാട്ടിൽ നവാസിന്റേയും നിഷ്മ സിജിലിയുടേയും മകൻ ഹനീനാണ് മരിച്ചത്.

അതേസമയം കുട്ടി വീഴുന്നത് കണ്ട വീട്ടുകാരുടെ കരച്ചിൽ കേട്ട് സമീപവാസികളെത്തി. പിന്നാലെ കുട്ടിയെ കിണറ്റിൽ നിന്നും പുറത്തെടുത്തു. തുടർന്ന് ഉടനെ തന്നെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.

തുടർന്ന് വളാഞ്ചേരി പോലീസ് നടപടികൾ പൂർത്തിയാക്കിയശേഷം തിരൂർ ജില്ലാ ആശുപത്രിയിലേക്ക് കൊണ്ടുപോയി. പോസ്റ്റ്‌മോർട്ടത്തിനുശേഷം കഞ്ഞിപ്പുര ജുമാമസ്ജിദ് ഖബർസ്ഥാനിൽ ഖബറടക്കും.