ഇന്നും നഗരസഭ തന്നെ... കത്ത് വിവാദത്തില് മേയര് ആര്യ രാജേന്ദ്രന്റെ മൊഴിയെടുത്ത് ക്രൈംബ്രാഞ്ച്; കത്ത് താന് നല്കിയിട്ടില്ലെന്നും ഒപ്പ് സ്കാന് ചെയ്ത് കയറ്റിയതാകാമെന്നും ആര്യ രാജേന്ദ്രന്; അന്വേഷണം അട്ടിമറിക്കാന് ശ്രമിക്കുന്നതായി വി.വി.രാജേഷ്
തിരുവനന്തപുരം കോര്പ്പറേഷനിലെ വിവാദ കത്തില് സമരം കടുപ്പിക്കാനൊരുങ്ങി ബിജെപി. വളരെ നാളുകള്ക്ക് ശേഷം കിട്ടിയ അവസരം പരമാവധി മുതലാക്കാനാണ് ബിജെപി ശ്രമം. അതേസമയം തിരുവനന്തപുരം കോര്പ്പറേഷനിലെ വിവാദ കത്തില് മേയര് ആര്യാ രാജേന്ദ്രന്റെ മൊഴിയെടുത്തു.
പ്രാഥമിക അന്വേഷണം നടത്തുന്ന ക്രൈംബ്രാഞ്ച് സംഘമാണ് മേയറുടെ മൊഴിയെടുക്കുന്നത്. മേയറുടെ വീട്ടില് വച്ച് ഡിവൈഎസ്പി ജലീല് തോട്ടങ്കലാണ് മൊഴി രേഖപ്പെടുത്തിയത്. സംഭവത്തില് മേയര് മൊഴി നല്കാന് വൈകുന്നത് വിവാദമായിരുന്നു. രാവിലെ മൊഴി രേഖപ്പെടുത്താന് ക്രൈംബ്രാഞ്ച് സമയം ചോദിച്ചുവെങ്കിലും അനുവദിച്ചിരുന്നില്ല.
കത്ത് വ്യാജമാണെന്നാണ് ആര്യ രാജേന്ദ്രന്റെ മൊഴി. കത്ത് താന് നല്കിയിട്ടില്ലെന്നും ഒപ്പ് സ്കാന് ചെയ്ത് കയറ്റിയതാകാമെന്നും ആര്യ രാജേന്ദ്രന് ക്രൈംബ്രാഞ്ച് സംഘത്തിന് മൊഴി നല്കി എന്നാണ് വിവരം. നിയമനത്തിനായി ശുപാര്ശ അറിയിക്കാറില്ലെന്നും താന് കത്ത് നല്കാന് നിര്ദ്ദേശിച്ചിട്ടില്ലെന്നും മേയറുടെ മൊഴിയില് പറയുന്നു.
അതേസമയം, മേയറുടെ രാജിയാവശ്യപ്പെട്ടുള്ള സമരങ്ങളില് തലസ്ഥാനം ഇന്നലെയും പ്രക്ഷുബ്ധമായി. മേയറെ വീട്ടില് കരിങ്കൊടി കാണിച്ച കെഎസ്യു പ്രവര്ത്തകരെ സിപിഎമ്മുകാര് മര്ദ്ദിച്ചു. കോര്പ്പറേഷനില് കോണ്ഗ്രസും ബിജെപിയും ഇന്നും ശക്തമായി പ്രതിഷേധിച്ചു. മേയര്ക്ക് സംരക്ഷണം തീര്ക്കാനാണ് സിപിഎം തീരുമാനം.
മേയര്ക്കെതിരായ പ്രതിഷേധം കടുപ്പിക്കുന്നതിന്റെ ഭാഗമായായിരുന്നു വീട്ടിന് മുന്നിലെ കെഎസ്യുവിന്റെ കരിങ്കൊടി കാണിക്കല്. സംരക്ഷണം തീര്ക്കാനെത്തിയ സിപിഎമ്മുകാര് പൊലീസ് ഇടപെടും മുമ്പ് പ്രതിഷേധക്കാരെ മര്ദ്ദിച്ചു. പിന്നീട് പൊലീസ് കെഎസ്യുക്കാരെ അറസ്റ്റ് ചെയ്ത് നീക്കി.
ആരോഗ്യമേഖലയിലെ ഒഴിവുള്ള തസ്തികകളുടെ എണ്ണമടക്കം മേയറുടെ ഔഗ്യോഗിക ലെറ്റര് പാഡിലെഴുതിയ കത്താണ് പുറത്ത് വന്നത്. കോര്പറേഷന് കീഴിലെ അര്ബന് പ്രൈമറി ഹെല്ത്ത് സെന്ററുകളിലേക്ക് 295 ഒഴിവുണ്ടെന്നും ഉദ്യോഗാര്ത്ഥികളുടെ മുന്ഗണന പട്ടിക നല്കണമെന്നും അറിയിച്ചു കൊണ്ടാണ് പാര്ട്ടി ജില്ലാ സെക്രട്ടറിക്ക് കത്തയച്ചത്. മേയറുടെ ഔദ്യോഗിക ലെറ്റര്പാഡില് സഖാവേ എന്ന അഭിസംബോധന ചെയ്ത് അയച്ച കത്ത് ഒരു വാര്ഡിലെ വാട്സാപ്പ് ഗ്രൂപ്പില് നിന്നാണ് സമൂഹ മാധ്യമത്തില് വൈറലായത്. ഇതിലാണ് അന്വേഷണം നടക്കുന്നത്.
കത്ത് വിവാദത്തില് അന്വേഷണം നടത്തുമെന്ന് പറയുന്നതല്ലാതെ ദിവസങ്ങള് കഴിഞ്ഞിട്ടും എഫ്.ഐ.ആര് പോലും എടുത്തില്ലെന്നും ബി.ജെ.പി ജില്ല പ്രസിഡന്റ് വി.വി.രാജേഷ് പറഞ്ഞു. കേസ് അട്ടിമറിക്കാന് ശ്രമിക്കുകയാണ്. ആനാവൂര് നാഗപ്പനും എം.വി.ഗോവിന്ദനും കൂടി പരിഹരിക്കാന് ഇത് അവരുടെ അടുക്കളക്കാര്യമല്ല.
മേയര് മുഖ്യമന്ത്രിക്ക് കൊടുത്ത പരാതിയും കേസ് അന്വേഷിക്കുന്ന ക്രൈംബ്രാഞ്ച് ഉദ്യോഗസ്ഥനെ ഇതുവരെ ആരും കണ്ടിട്ടില്ലെന്നും അദ്ദേഹം പറഞ്ഞു. യുവമോര്ച്ച ജില്ല പ്രസിഡന്റ് സജിത്ത് സിറ്റി പൊലീസ് കമ്മിഷണര്ക്ക് പരാതി നല്കി. പൊതുമുതല് നശിപ്പിക്കുന്നത് തടയല് നിയമ പ്രകാരം അറസ്റ്റ് ചെയ്താല് പേടിക്കുന്നവരല്ല ബി.ജെ.പി പ്രവര്ത്തകരെന്നും അദ്ദേഹം പറഞ്ഞു. ഇന്ന് മഹിളാ മോര്ച്ചയുടെ നേതൃത്വത്തില് ജില്ലാസമരം സംഘടിപ്പിക്കും. നാളെ യുവമോര്ച്ച നഗരസഭ മാര്ച്ച് നടത്തുമെന്നും രാജേഷ് അറിയിച്ചു.
കത്ത് വിവാദത്തില് പ്രാഥമിക അന്വേഷണം നടത്തുന്ന ക്രൈംബ്രാഞ്ച് സംഘമാണ് ഇന്നലെ മേയര് ആര്യാ രാജേന്ദ്രന്റെ മൊഴിയെടുത്തത്. മേയറുടെ വീട്ടില് വച്ച് ഡിവൈഎസ്പി ജലീല് തോട്ടങ്കലാണ് മൊഴി രേഖപ്പെടുത്തിയത്. സംഭവത്തില് മേയര് മൊഴി നല്കാന് വൈകുന്നത് വിവാദമായിരുന്നു. രാവിലെ മൊഴി രേഖപ്പെടുത്താന് ക്രൈംബ്രാഞ്ച് സമയം ചോദിച്ചുവെങ്കിലും അനുവദിച്ചിരുന്നില്ല. സംഭവത്തില് ഇന്ന് കൂടുതല് മൊഴികള് രേഖപ്പെടുത്തിയേക്കും. ആരോപണം നേരിടുന്ന സിപിഎം കൗണ്സിലര് ഡി ആര് അനില് കത്തിലെ മേല്വിലാസക്കാരനായ സിപിഎം ജില്ലാ സെക്രട്ടറി ആനാവൂര് നാഗപ്പന് എന്നിവരുടെ മൊഴിയും രേഖപ്പെടുത്തും. ഇതിന് ശേഷം മേയറുടെ ഓഫീസിലെ ജീവനക്കാരുടേയും മൊഴിയെടുക്കും. പിന്നീട് പ്രാഥമിക റിപ്പോര്ട്ട് സമര്പ്പിക്കും.
"
https://www.facebook.com/Malayalivartha
