കുട്ടി പ്രതിഭകളെ വരവേല്ക്കാനൊരുങ്ങി കൊച്ചി... സംസ്ഥാന സ്കൂള് ശാസ്ത്രോത്സവത്തിന് ഇന്നു തുടക്കം
കുട്ടി പ്രതിഭകളെ വരവേല്ക്കാനൊരുങ്ങി കൊച്ചി... സംസ്ഥാന സ്കൂള് ശാസ്ത്രോത്സവത്തിന് ഇന്നു തുടക്കം. ആറു വേദികളിലായി അയ്യായിരത്തോളം വിദ്യാര്ഥികള് തങ്ങളുടെ ശാസ്ത്രമികവുകള് അടയാളപ്പെടുത്തുന്ന ശാസ്ത്രോത്സവത്തിനാണ് ഇന്ന് തുടക്കമാകുന്നത്.
ശാസ്ത്രം, സാമൂഹ്യ ശാസ്ത്രം, പ്രവൃത്തി പരിചയം, ഐ.ടി, ഗണിത ശാസ്ത്രം തുടങ്ങി അഞ്ചു വിഭാഗങ്ങളിലായി 154 ഇനങ്ങളിലാണു മത്സരങ്ങള്. ആദ്യ ദിനമായ ഇന്നു മത്സരങ്ങളുടെ രജിസ്ട്രേഷന് നടക്കും.
നാളെ രാവിലെ ഒമ്പതിന് എറണാകുളം ഗവ.ഗേള്സ് ഹയര് സെക്കന്ഡറി സ്കൂള് അങ്കണത്തില് പൊതുവിദ്യാഭ്യാസ ഡയറക്ടര് കെ.ജീവന് ബാബു പതാക ഉയര്ത്തും. 10.30 ന് എറണാകുളം ടൗണ്ഹാളില് മന്ത്രി വി.ശിവന്കുട്ടി ഉദ്ഘാടനം നിര്വഹിക്കും. ടി.ജെ വിനോദ് എംഎല്എ അധ്യക്ഷത വഹിക്കും. പ്രതിപക്ഷ നേതാവ് വി.ഡി സതീശന് മുഖ്യപ്രഭാഷണം നടത്തും.
വേദികള് -മേളകള് എറണാകുളം ഗവ.ഗേള്സ് ഹയര് സെക്കന്ഡറി സ്കൂള് (ഐടി മേള ) തേവര സേക്രഡ് ഹാര്ട്ട് എച്ച്എസ്എസ് (പ്രവൃത്തി പരിചയമേള ) എറണാകുളം എസ്ആര്വി എച്ച്എസ്എസ് (എക്സ്പോ, കരിയര് സെമിനാര്, തൊഴില്മേള) എറണാകുളം ദാറുല് ഉലൂം എച്ച്എസ്എസ് (സാമൂഹ്യശാസ്ത്രമേള)കച്ചേരിപ്പടി സെന്റ് ആന്റണീസ് എച്ച്എസ്എസ് (ഗണിത ശാസ്ത്രമേള) എറണാകുളം സെന്റ് ആല്ബര്ട്സ് എച്ച്എസ്എസ് (ശാസ്ത്രമേള)
https://www.facebook.com/Malayalivartha
